ممبئی: اکشے کمار کی اداکاری والی رام سیتو نے ریلیز کے پہلے دن پورے بھارت میں 15 کروڑ روپے سے زائد کی کمائی کی ہے۔ تیرے بن لادن سے شہرت پانے والے ابھیشیک شرما کی ہدایتکاری میں بننے والی یہ ایکشن ایڈونچر ڈرامہ منگل کو سینما گھروں میں ریلیز ہوئی ہے۔ اکشے کی فلم نے پہلے ہی دن باکس آفس پر اجے دیوگن اور سدھارتھ ملہوترا کی تھینک گاڈ کو پیچھے چھوڑ دیا ہے۔Ram Setu Box Office
بدھ کے روز میکرز کے جاری کردہ بیان کے مطابق رام سیتو نے پہلے دن 15.25 کروڑ روپے کی کمائی کی ۔ فلم کی کہانی ایک ایسے ماہر آثار قدیمہ کے گرد گھومتی ہے جسے پہلے بھگوان پر یقین نہیں ہوتا ہے لیکن اس کی زندگی میں ایک ایسا واقعہ ہوتا ہے جس کے بعد اسے بھگوان پر یقین ہونے لگتا ہے۔
ستیہ دیو، جیکلین فرنانڈیز اور نصرت بھروچا نے بھی اسی فلم کا حصہ ہے جو فیملی کامیڈی فلم تھینک گاڈ کے ساتھ ریلیز ہوئی ہے۔ رام سیتو کو پرائم ویڈیو نے کیپ آف گڈ فلمز اور لائکا پروڈکشن کے اشتراک سے تیار کیا ہے اور اسے ابنڈنشیا انٹرٹینمنٹ پروڈکشن کے بینر تلے بنایا گیا ہے۔