Ram Charan Wishes Sid- Kiara: رام چرن نے سدھارتھ اور کیارا کو انوکھے انداز میں شادی کی مبارکباد دی

ساؤتھ سپر اسٹار رام چرن نے سدھارتھ ملہوترا اور کیارا اڈوانی کو خاص انداز میں شادی کی مبارکباد دی ہے۔ اس کا ایک ویڈیو بھی شیئر کیا گیا ہے، جس میں کیارا اڈوانی کے ساتھ رام چرن کی آنے والی فلم R15 کی پوری ٹیم نظر آرہی ہے۔

ممبئی: بالی ووڈ کی خوبصورت جوڑی سدھارتھ ملہوترا اور کیارا اڈوانی اب ازدواجی زندگی میں داخل ہوچکے ہیں۔ 7 فروری کو جوڑے نے جیسلمیر کے شاہی سوریا گڑھ محل میں قریبی رشتہ داروں اور قریبی دوستوں کے موجودگی میں شادی کی۔ ان کے مداحوں نے سوشل میڈیا پر جوڑے کو زندگی کی نئی شروعات کے لیے ڈھیروں نیک خواہشات کا اظہار کیا۔ اب سدھارتھ اور کیارا کو ساؤتھ کے سپر اسٹار اور بین الاقوامی ایوارڈ یافتہ فلم 'آر آر آر ' کے اداکار رام چرن، ساؤتھ کے تجربہ کار ڈائریکٹر ایس۔ شنکر اور تجربہ کار کوریوگرافر گنیش اچاریہ نے خاص انداز میں شادی کی مبارکباد دی ہے۔Ram Charan Wishes Sid- Kiara

آپ کو بتا دیں کہ ساؤتھ اداکار رام چرن اور کیارا اڈوانی نے ایس۔ شنکر کی نئی فلم آر 15 میں نظر آنے والے ہیں۔ رام چرن اور کیارا اڈوانی اس پین انڈیا فلم میں پہلی بار ایک ساتھ نظر آنے والے ہی۔ اب فلم کی پوری ٹیم نے ایک ویڈیو بنا کر سوشل میڈیا پر شیئر کی ہے۔ اس ویڈیو میں ایس شنکر، گنیش اچاریہ اور رام چرن سمیت فلم R15 کی پوری ٹیم جوش و خروش کے ساتھ سدھارتھ اور کیارا کو ان کی شادی کی مبارکباد دیتے ہوئے نظر آرہے ہیں۔

اس ویڈیو میں سب کے چہرے پر بڑی مسکراہٹ ہے اور ہر کوئی پھولوں کی بارش کر رہا ہے۔ رام چرن کسی وجہ سے اپنی ساتھی اداکارہ کیارا کی شادی میں نہیں جا سکے جبکہ ان کی اہلیہ اپاسنا حاملہ ہونے کی وجہ سے شادی میں نہیں جا سکیں۔ تاہم جوڑے کو مبارکباد دیتے ہوئے انہوں نے شادی میں شرکت نہ کرنے سےمعذرت بھی کی۔

واضح رہے کہ 12 فروری کی رات سدھارتھ ملہوترا اور کیارا اڈوانی نے بالی ووڈ ستاروں کے لیے ایک شاندار استقبالیہ کا اہتمام کیا، جس میں گوری خان، کرن جوہر، وکی کوشل، ورون دھون، آدتیہ رائے کپور، اننیا پانڈے، سہانا خان، شانایا کپور، شاہد کپور کی اہلیہ میرا راجپوت کپور، ودیا بالن، آرین خان، وویک اوبرائے اور اجے دیوگن نے گلیمرس انداز میں شرکت کی اور جوڑے کو مبارکباد دی۔ اب سدھارتھ اور کیارا کی شادی کے استقبالیہ کی تصاویر اور ویڈیوز سوشل میڈیا پر وائرل ہو رہی ہیں۔