ممبئی: ڈرامہ کوئین راکھی ساونت ان دنوں اپنی شادی، والدہ کی خراب صحت اور اسقاط حمل جیسے سنجیدہ موضوعات کی وجہ سے سوشل میڈیا پر کافی مقبول ہو رہی ہیں۔ اب اس درمیا خبریں آ رہی ہیں کہ راکھی اپنے شوہر عادل خان کے ساتھ ہنی مون پر نہیں جائیں گی بلکہ عمرہ کے لیے جائیں گی۔ راکھی ساونت نے یہ بھی انکشاف کیا ہے کہ وہ وہاں دعا کریں گی کہ ان کی شادی شدہ زندگی خوشگوار رہے۔ Rakhi Sawant will Perform Umrah
سوشل میڈیا پر ایک ویڈیو منظر عام پر آئی ہے، جس میں راکھی ساونت اپنے شوہر عادل کے ساتھ یہ کہہ رہی ہیں کہ 'پہلے ہم عمرے پر جائیں گے۔ ہمارا رشتہ اگر وہاں مضبوط ہو جائے تو دنیا کی کوئی بھی طاقت اسے نہیں توڑ سکتی، جسے اللہ جوڑتا ہے اسے کوئی انسان نہیں توڑ سکتا۔ اس بار میرا رشتہ جڑ جائے اور میرا گھر آباد ہو جائے۔ مجھے آپ سب کی دعاؤں کی ضرورت ہے۔
راکھی کے مداح جو یہ جاننے کے لیے بے تاب تھے کہ راکھی اپنے شوہر عادل کے ساتھ کب ہنی مون پر جائیں گی، اب ان کے لیے سب کچھ واضح ہے۔ لیکن راکھی نے یہ نہیں بتایا کہ وہ ہنی مون پر کب جائیں گی۔