Stree 2 Release Date شردھا کپور اور راجکمار راؤ نے فلم 'استری2' کی ریلیز تاریخ کا اعلان کیا

شردھا کپور کی فلم 'استری' کے میکرز نے فلم کے سیکوئل کا اعلان کیا ہے۔ ساتھ ہی انہوں نے فلم کی ریلیز تاریخ کے حوالے سے بھی ضروری جانکاری دی ہے۔

راج کمار راؤ اور شردھا کپور کی سال 2018 میں ریلیز ہوئی فلم 'استری' کے مداحوں کا انتظار اب ختم ہونے والا ہے۔ چار سال سے اس فلم کے سیکوئل کی ریلیز کا انتظار کرنے والے مداحوں کے لیے خوشخبری ہے کیونکہ فلم کے میکرز نے استری 2 کا اعلان کردیا ہے۔ میکرز نے سوشل میڈیا پر سیکوئل کا ٹیزر شیئر کرتے ہوئے سیکوئل کی ریلیز تاریخ کا انکشاف کیا ہے۔Stree 2 Release Date

میکرز نے فلم کے ٹیزر کی ایک ویڈیو کو سوشل میڈیا پر شیئر کیا ہے جس میں مرکزی کردار راج کمار راؤ اور شردھا کپور دیگر کاسٹ کے ساتھ ایک چھوٹا سا خاکہ پیش کرتے ہوئے نظر آ رہے ہیں۔ ویڈیو میں شردھا کو ایک خوبصورت سرخ ساڑی میں ملبوس دیکھا جا سکتا ہے جبکہ راج کمار سبز رنگ کے سوٹ میں ملبوس نظر آ رہے ہیں۔ ٹیزر میں شردھا راج کمار سے مدد مانگتی ہے اور پھر اچانک سے غائب ہو جاتی ہیں۔ تب پنکج ترپاٹھی ایک خط پڑھ کرسناتے ہیں، جس میں لکھا ہے کہ 'استری 2' اگست 2024 میں ریلیز ہوگی۔

اس ویڈیو کو اپنے آفیشل ٹویٹر ہینڈل پر شیئر کرتے ہوئے میڈاک فلمز نے لکھا کہ “اوہ اسری، 2 پھر آ گئی! یہاں آپ کے دلوں کو چیرنے کے لیے، میڈاک فلمز اور جیو اسٹوڈیوز آپ کو اس جادوگرنی سے دوبارہ متعارف کروائے گی جس کی محبت میں آپ گرفتار ہوگئے تھے۔ ملے گی ملگی، سب کو ملے گی، استری 2، اگست 2024 میں'۔

اس کے علاوہ فلم کے مرکزی اداکار راجکمار راؤ نے بھی اس فلم کا ٹیزر اپنے سوشل میڈیا ہینڈل پر شیئر کیا ہے۔ واضح رہے کہ سال 2018 میں آئی اس فلم کو ناقدین اور مداحوں کی جانب سے بے حد پسند کیا گیا تھا۔ اس فلم نے باکس آفس پر 100 کروڑ روپے سے زائد کی کمائی تھی۔ فلم کی ہدایتکاری امر کوشک نے کی ہے۔

وہیں شردھا کپور کے ذریعہ ادا کیا گیا استری کا کردار اس سے قبل ورون دھون اور کریتی سینن کی فلم 'بھیڑیا' میں مختصر طور پر نظر آیا تھا۔ فلم بھیڑیا میں وہ گانے ٹھمکیشوری میں نظر آئی تھیں۔