PC Shares Selfie with Daughter: پرینکا چوپڑا نے اپنی بیٹی کے ساتھ تصویر شیئر کی

پرینکا چوپڑا نے اپنی بیٹی مالتی کے ساتھ ایک اور نئی تصویر شیئر کی ہے۔ اس تصویر میں بھی مالتی کا چہرہ نظر نہیں آرہا ہے۔PC Shares Selfie with Daughter

حیدرآباد: پرینکا چوپڑا ان دنوں اپنی بیٹی کے ساتھ بہت خوبصورت وقت گزار رہی ہیں۔ رواں سال سروگیسی کے ذریعہ ماں بننے والی پرینکا چوپڑا نے اپنی بیٹی مالتی میری چوپڑا جونس کے ساتھ تصاویر شیئر کی ہیں۔ حالانکہ اداکارہ نے اب تک اپنی بیٹی کے چہرے کو پوری طرح سے نہیں دکھایا ہے۔PC Shares Selfie with Daughter

اتوار کے روز اداکارہ کے ذریعہ شیئر کی گئی دو تصاویر کو دیکھ کر سمجھا جاسکتا کہ انہوں نے اپنی بیٹی کے ساتھ چھٹی کے دن خوب مزے کیے۔اس تصویر میں بھی پرینکا نے بیٹی مالتی کا چہرہ چھپا رکھا ہے۔ اس تصویر کو سوشل میڈیا پر شیئر کرتے ہوئے پریانکا چوپڑا نے لکھا کہ ' پیار ایسا کرو جیسا کوئی دوسرا نہیں کرتا ہو'۔ یہ ایک سیلفی ہے جس میں پرینکا کے گود میں مالتی بیٹھی ہوئی نظر آرہی ہیں'۔

وہیں دوسری تصویر میں مالتی کے ننھے پاؤں پرینکا چوپڑا کے چہرے پر ہیں اور اداکارہ مسکرا رہی ہیں، وہیں مالتی کے ایک پیر میں پائل نظر آرہی ہے۔

اب مداح اور مشہور شخصیات اس تصاویر پر اپنے تبصرے دے رہے ہیں۔ اداکارہ دیا مرزا نے پرینکا کی تصویر پر لکھا ہے ' سچ کہا'۔ وہیں پریتی زنٹا نے دل کے دو ایموجیز شیئر کیے ہیں۔

وہیں پرینکا کی بہن پرینیتی چوپڑا نے لکھا کہ 'میں مالتی کو یاد کرتی ہوں'۔ ساتھ ہی اداکارہ انوشکا شرما نے بھی تصاویر پر دل کا ایموجی شیئر کیا ہے۔ کرینہ کپور خان نے بھی اس تصویر پر تبصرہ کرتے ہوئے لکھا کہ 'پی سی اور تمہاری بیٹی کو بہت سارا پیار'۔

خیال رہے کہ سال 2018 میں پریانکا چوپڑا نے اپنے بوائے فرینڈ نک جونس کے ساتھ راجستھان میں شاہی انداز میں شادی کی تھی۔ اس شادی میں ملک و بیرون ملک کی بڑی بڑی شخصیات نے شرکت کی تھی۔شادی کے چار سال بعد پریانکا چوپڑا نے سروگیسی کے ذریعے بیٹی مالتی کو جنم دیا۔