حیدرآباد:پرینکا چوپڑا اور نک جونس اپنی بیٹی کی پیدائش کے بعد سے والدین بننے کی خوشی مداحوں کے ساتھ بانٹ رہے ہیں۔ اب پرینکا چوپڑا کی حالیہ پوسٹ کو دیکھ کر لگتا ہے کہ وہ اپنی بیٹی کے ساتھ نک جونس کے آئندہ ورلڈ ٹور کی تیاری کر رہی ہیں۔ اداکارہ نے اپنی بیٹی کی نئی تصاویر شیئر کی ہیں جس میں مالتی کو بھارتی لباس میں دیکھا جاسکتا ہے۔ وہ اس لباس میں بے حد خوبصورت نظر آرہی ہیں۔Priyanka Chopra shares daughter Malti Pictures
انسٹاگرام پر پرینکا چوپڑا نے اپنی بیٹی کی کچھ خوبصورت تصاویر پوسٹ کی ہیں۔ اس پہلی تصویر میں مالتی کو ایک خالی سوٹ کیس کے اندر بیٹھے دیکھا جاسکتا ہے وہ جامنی رنگ کے سینڈل اور سفید نائٹ گاؤن میں پیاری لگ رہی ہیں۔ اس خالی سوٹ کیس کی تصویر کو دیکھتے ہوئے یہ اندازہ لگانا آسان ہے کہ پرینکا اپنے شوہر نک کے ساتھ نیویارک میں 12 اگست میں شروع ہونے والی ان کی میوزک ٹور پر ان کے ساتھ جانے کے لیے اپنا سامان باندھنے کی تیاری کر رہی ہیں۔
اس تصویر کو شیئر کرتےہوئے اداکارہ نے نک جونس کو ٹیگ کرتے ہوئے لکھا ہے کہ ' نک جونس ہم ٹور کے لیے تیار ہیں'۔ دوسری تصویر میں ہم پرینکا کو اپنی مینیجر اور دوست انجولا آچاریہ کے ساتھ دیکھ سکتے ہیں۔ یہ ایک سیلفی ہے جس میں ان کی بیٹی مالتی پرینکا کی گود میں نظر آرہی ہیں۔ اس تصویر کو شیئر کرتے ہوئے پرینکا نے لکھا ہے 'انجولا آچاریہ تمہاری یاد آرہی ہے'۔ اس کے علاوہ پرینکا کی دوست انجولا نے بھی مالتی کی کچھ تصویریں شیئر کی ہیں۔