Kantara Plagiarism Row کنتارا کے خلاف سرقہ کا الزام، ایمیزون پرائم نے فلم سے ایک گانا ہٹایا

فلم کنتارا کو آج پرائم ایمیزون ویڈیو میں ریلیز کردیا گیا ہے۔ پرائم ویڈیو نے کنتارا سے وراہا روپم گانا ہٹادیا ہے۔ واضح رہے کہ کیرالہ کے بینڈ تھائی کڈم برج نے الزام لگایا تھا کہ وارہا روپم ان کے گانے نوراسم کی کاپی ہے۔ Kantara plagiarism row

کیرالہ میں مقیم بینڈ تھائی کڈم برج، جس نے پہلے کنتارا کے گانے وراہا روپم کے خلاف سرقہ کا الزام لگاتے ہوئے قانونی کارروائی کا مطالبہ کیا تھا، اب ایک نئی جانکاری شیئر کی ہے۔ جمعرات کو فیس بک پر بینڈ نے اعلان کیا کہ پرائم ویڈیونے اس گانے کو فلم سے ہٹا دیا ہے۔ کنتارا کو بدھ کی رات او ٹی ٹی پلیٹ فارم پر جاری کیا گیا۔Kantara plagiarism row

بینڈ نے اپنے گانے نوراسم اور فلم کے گانے وراہا پورم کی ایک کولاج شیئر کرتے ہوئے لکھا کہ 'ایمیزون پرائم نے فلم کنتارا سے ہمارے گانے'نوراسم' کے نقل کیے گئے نغمے کو ہٹادیا ہے۔انصاف ملا ہے ہمارے اٹارنی ستیش مورتی اور ہمارے سرپرست متھوربھومی کا شکریہ جنہوں نے ہماری حمایت کی۔موسیقار برادری، مداحوں اور میڈیا کا شکریہ جنہوں نے ہماری دل سے حمایت کی'۔

کنتارا کے خلاف سرقہ کا الزام، ایمیزون پرائم نے فلم سے ایک گانا ہٹایا

تھائی کڈم برج نے اکتوبر میں الزام لگایا تھا کہ وراہا روپم ان کے گانے نوراسم کی نقل ہے۔ انسٹاگرام پر انہوں نے کنتارا کی ٹیم کے خلاف سرقہ کا الزام لگایا۔ انسٹاگرام پر انہوں نے اپنے بیان میں لکھا کہ 'ہم اپنے سامعین کو یہ بتانا چاہیں گے کہ تھائی کڈم برج کسی بھی طرح سے کنتارا سے وابستہ نہیں ہے۔نوراسم اور وراہا روپم کے درمیان مماثلت ہیں جسے نظر انداز نہیں کیا جاسکتا ہے۔ دونوں کی آڈیو ایک جیسی ہے۔ اس لیے یہاں کاپی رائٹ قوانین کی خلاف ورزی ہوئی ہے'۔

بینڈ نے مزید کہا کہ ' ہمارے نقطہ نظر سے کسی کے کام سے متاثر ہونا اور کسی کا کام چوری کرنا دو الگ چیزیں ہیں اور اس لیے ہم اس فلم کی تخلیقی ٹیم کے خلاف قانونی کارروائی کا مطالبہ کریں گے جو اس کے لیے ذمہ دارہے۔ ہمیں اس کا کوئی کریڈٹ نہیں دیا گیا اور گانے کو اس طرح دکھاگیا کہ جیسے یہ تخلیقی ٹیم کا آریجنل کام ہے'۔ تھائی کڈم برج کے ذریعہ اس معاملے کو عدالت میں لے جانے کے چند دن بعد پرائم ویڈیو پر ریلیز ہونے والے اس گانے کو اب فلم سے ہٹا دیا گیا ہے۔

رشبھ شیٹی کی ہدایت کاری میں بننے والی اس فلم نے پہلے ہی عالمی سطح پر باکس آفس پر 400 کروڑ روپے سے زیادہ کی کمائی کی ہے۔ کرناٹک میں یہ اب تک کی سب سے زیادہ کمائی کرنے والی فلم بن کر ابھری ہے۔