ممبئی: پربھاس، کریتی سینن اور سیف علی خان کی فلم آدی پروش کے میکرز نے سوشل میڈیا پر ریلیز کی نئی تاریخ کا اعلان کیا ہے۔ اوم راوت نے اپنے ٹویٹر پر فلم کی نئی ریلیز تاریخ کا اعلان کیا ہے۔ فلم کی تفصیل شیئر کرتے ہوئے انہوں نے لکھا کہ ' جے شری رام۔۔۔ آدی پروش 16 جون 2023 کو تھیٹرز میں ریلیز ہورہی ہے'۔ انہوں نے ایک تصویر بھی شیئر کی، جس میں لکھا ہے 'آدی پروش کوئی فلم نہیں بلکہ پربھو شری رام کے تئیں ہماری عقیدت اور سنسکرت اور تاریخ کے تئیں ہماری وابستگی کی نمائندگی کو دکھاتا ہے۔فلم پر کام کرنے والی ٹیم کو مزید وقت کی ضرورت ہے۔ آدی پُروش اب 16 جون 2023 کو ریلیز ہوگی۔ ہم ایک ایسی فلم بنانے کے لیے پرعزم ہیں جس پر ہندوستان کو فخر ہو گا۔ آپ کا تعاون، محبت اور دعائیں ہی ہمیں آگے بڑھنے میں مدد کرے گا'۔ Adipurush New Release Date
اوم راوت کی ہدایت کاری اور ٹی سیریز اور ریٹروفائلز کی پروڈیوس کردہ میگا انڈین فلم آدی پُروش کو وژولی طریقے سے مضبوط فلم بنانے کی کوشش کی جارہی ہے۔ پہلی یہ فلم 12 جنوری 2023 کو ریلیز ہونے والی تھی۔ اب یہ 16 جون 2023 کو سینما گھروں کی زینت بنے گی۔ فلم میں اداکار پربھاس، کریتی سینن اور سیف علی خان مرکزی کردار میں ہیں۔ یہ فلم رامائن پر مبنی ہے۔ پربھاس نے بھگوان رام کا کردار ادا کیا ہے جبکہ سیف نے فلم میں لنکیش کا کردار ادا کیا ہے۔