نئی دہلی: 95 ویں آسکر ایوارڈز 2023 میں 'آر آر آر' کے ہٹ ٹریک ناٹو-ناٹو کی جیت سے پورے ملک میں خوشی کا ماحول ہے۔ آر آر آر کی ٹیم کو اس تاریخی فتح پر دنیا کے ہر کونے سے مبارکبادی کے پیغام وصول ہورہے ہیں۔ آر آر آر کے مداح سوشل میڈیا پر اپنی خوشی کا اظہار کر رہے ہیں۔راجامولی اور ان کی پوری ٹیم کو جنوبی اور بالی ووڈ فلم انڈسٹری سے بھی بہت پیار مل رہا ہے۔ وہیں ملک کے وزیراعظم نریندر مودی نے بھی آسکر جیتنے پر آر آر آر کی پوری ٹیم کو مبارکباد دی ہے۔ PM Modi Congratulates RRR Team
جب سے 'ناٹو ناٹو' نے آسکر ایوارڈ جیتا ہے، فلم کو مسلسل مبارکباد ملنے کا سلسلہ جاری ہے۔ آسکر جیتنے پر آر آر آر کی پوری ٹیم کو مبارکباد دیتے ہوئے ملک کے وزیر اعظم نریندر مودی نے موسیقی کے موسیقار کیروانی اور گانے 'ناٹو ناٹو' کے گیت نگار چندر بوس کی خصوصی تعریف کی ہے، جس کی وجہ سے اس گانے کو دنیا بھر میں پذیرائی ملی ہے۔