Phone Bhoot Characters to Feature in Comic Book: فون بھوت اب کامک کتاب 'چاچا چودھری' کا حصہ ہوگا

ٹو ڈی میں ریلیز ہونے والی ہارر کامیڈی فلم 'فون بھوت' کامک کی دنیا میں قدم رکھنے والی ہے۔ کترینہ کیف، سدھانت چترویدی، ایشان کھٹر اور جیکی شراف سے سجی اس فلم کے میکرز نے بھارت کے پریمیئر کامک اسٹوڈیو ڈائمنڈ ٹونز کے ساتھ ہاتھ ملا لیا ہے۔Phone Bhoot Characters to Feature in Comic Book

ممبئی: آئندہ ماہ 4 نومبر کو ہارر کامیڈی فلم 'فون بھوت' پوری دنیا میں ریلیز ہونے والی ہے۔ اس سے قبل فلم کے میکرز نے بھارت کے کلاس کامکس' چاچا چودھری اینڈ صابو' کے کتاب پبلشر اور ہندوستان کے پریمیئر کامک اسٹوڈیو ڈائمنڈ ٹونز سے پارنٹرشپ کرلی ہے۔Phone Bhoot Characters to Feature in Comic Book

اب اس شراکت داری کے ساتھ فون بھوت میں نظر آنے والے تین اہم کردار بچوں کی مزاحیہ سیریز 'چاچا چودھری' میں نظر آئیں گے۔ اس کی کہانی شائقین کو ایک ایسے مزاحیہ سفر پر لے جائے گی جہاں دو بھوت پکڑنے والے ویلن کو پکڑنے کے لیے ایک بھوت کے ساتھ ہاتھ ملا لیتے ہیں۔

فون بھوت اب کامک کتاب 'چاچا چودھری' کا حصہ ہوگا

کامک کے رسم اجراء کے دوران ڈائمنڈ ٹونز کے ڈائریکٹر منیش ورما نے ایک بیان میں کہا کہ ' ہم چاچا چودھری اینڈ فون بھوت' کے اس خصوصی ایڈیشن کے لیے ایکسل انٹرٹینمنٹ کے ساتھ شراکت داری کرنے پر بہت خوش ہیں۔چاچا چودھری ہماری زندگی کے تقریبا تمام پہلوؤں سے جڑا ہوا ہے۔ فلم فون بھوت کے کرداروں کو اس کامک کتاب میں شامل کرنے سے مداحوں کے ساتھ ایک مضبوط رشتہ قائم ہوگا'۔

ایکسل انٹرٹینمنٹ نے پہلی بار ڈائمنڈ ٹونز کے ساتھ 'فکرے ریٹرنز' کے دوران تعاون کیا تھا، اس فلم کے کرداروں کو بھی پچھلے 'چاچا چودھری' کے کامک میں شامل کیا گیا تھا۔اس ایسوسی ایشن کے ساتھ، ڈائمنڈ ٹونز اب 'فون بھوت' کے ساتھ مل کر ایک کامک لانچ کرے گا جہاں کردار اب چاچا چودھری کے پلاٹ لائن کا حصہ ہوں گے۔

فی الحال ابھی کامک کی کہانی کے بارے میں کوئی جانکاری نہیں ہے لیکن اسٹوڈیو نے وعدہ کیا ہے کہ کہانی میں ڈرامہ، مزاح اور ہارر سب کا یکساں آمیزش ہے۔ گرمیت سنگھ کی ہدایتکاری میں بننے والی یہ فلم 4 نومبر 2022 کو ریلیز ہونے والی ہے۔ روی شنکر اور جسویندر سنگھ نے فلم کی تحریر کی ہے، وہیں اس فلم کو ایکسل انٹرٹینمنٹ پروڈیوس کرنے والی ہے۔