Actor Sameer Khakhar's Death اداکار سمیر کھکھر کی موت پر پرینیتی چوپڑا سمیت کئی مشہور شخصیات نے افسوس کا اظہار کیا

معروف اداکار سمیر کھاکھر بدھ کے روز 71 سال کی عمر میں متعدد اعضاء کی خرابی کے باعث انتقال کر گئے۔ اس افسوسناک واقعے کے بارے میں جاننے کے بعد بالی ووڈ کے کئی مشہور شخصیات نے اپنے سوشل میڈیا ہینڈلز پر آنجہانی اداکار کے انتقال پر سوگ کا اظہار کیا۔

حیدرآباد: 80 کی دہائی کے ٹی وی شو نکڑ میں کھوپڑی کے کردار سے مشہور ہوئے 71 سالہ تجربہ کار اداکار سمیر کھاکھر کا بدھ کو انتقال ہوگیا۔ ان کی موت کی خبر کی تصدیق اداکار کے بھائی گنیش کھاکھر نے کی۔ انہوں نے بتایا کہ سمیر ممبئی کے ایک ہسپتال میں متعدد اعضاء کی ناکامی کے وجہ سے انتقال کر گئے۔ پرینیتی چوپڑا، آیوشمان کھرانہ، سوزین برنیٹ، ہدایتکار جوڑی راج اور ڈی کے، ہدایت کار ہنسل مہتا، اور اداکار راج کمار راؤ سمیت بالی ووڈ کی کئی مشہور شخصیات نے اپنے سوشل میڈیا ہینڈلز پر آنجہانی اداکار کے انتقال پر اپنے دکھ کا اظہار کیا۔

پرینیتی چوپڑا نے اپنی انسٹاگرام اسٹوری پر ایک تصویر شیئر کی جس کے کیپشن میں انہوں نے لکھا کہ' سمیر کھاکھر ایک مکمل لیجنڈ اور ان کے پسندیدہ ساتھی اداکار تھے'۔ پرینیتی نے انہیں الوداع کہتے ہوئے کہا کہ ان کی محبت، حکمت، مزاح اور معصوم سا چہرہ والا شرارتی انسان اور سب سے اہم بات ان کے ذریعہ بتائے گئے زندگی کے انمول سبق۔ الوداع سمیر۔ میں آپ کو کبھی نہیں بھولوں گی'۔ آیوشمان کھرانہ نے بھی اپنی انسٹاگرام اسٹوری پر لکھا اور اس کا کیپشن دیتے ہوئے لکھا' آپ کی روح کو سکون ملے سمیر کھا کر جی'۔

ہدایت کار جوڑی راج اور ڈی کے نے ایک طویل نوٹ شیئر کیا اور بتایا کہ جب وہ بچے تھے، نکڑ میں سمیر کے ذریعہ ادا کیا گیا کردار کھوپڑی نے ان پر بہت مثبت تاثر قائم کیا تھا۔ ان دونوں نے کہا کہ ان کا کردار منفرد اور عجیب تھا، نشے میں رہتے ہوئے بھی وہ سچ بولتے تھے۔ انہوں نے مزید کہا کہ ' چاہے ان کے ساتھ ہم نے صرف ایک دن ہی کام کیا ہو لیکن اس آزاد شخص کے ساتھ کام کرنا ایک نعمت کے برابر ہے۔ ان کی روح کو سکون ملے۔ آپ ہمیشہ ہمارے دلوں میں رہیں گے سمیر کھاکر'۔ آنجہانی اداکار 1989 میں ٹیلی ویژن سیریز سرکس میں نظر آئے، جس میں بالی ووڈ کے سپر اسٹار شاہ رخ خان نے اداکاری کی تھی۔ انہوں نے ٹیلی ویژن شو میں چنتامنی کا کردار نبھایا تھا۔ اس کے بعد وہ 1994 کی مشہور سیٹ کام شو شریمان شریمتی، جس میں کھاکھر نے فلم ڈائریکٹر ٹوٹو کا کردار ادا کیا، ان کے شاندار اداکاری کی ایک اور مثال ہے۔