Quick Style grooves in Mumbai local train: کوئیک اسٹائل کی ممبئی لوکل ٹرین میں ڈانس کرنے کی ویڈیو وائرل

مشہور ناروے ڈانس گروپ جو کہ کوئیک اسٹائل کے نام سے جانا جاتا ہے، کو حال ہی میں ممبئی کی لوکل ٹرین میں ڈانس کرتے ہوئے دیکھا گیا ہے۔ اب کوئیک اسٹائل کا یہ ویڈیو بھی سوشل میڈیا پر وائرل ہوگیا ہے۔

حیدرآباد: ناروے ڈانس گروپ کوئیک اسٹائل کی گزشتہ سال بالی ووڈ گانوں پر ڈانس کرنے کی ویڈیو نے انٹرنیٹ پر دھوم مچا دی تھی۔ اس وقت یہ ڈانس گروپ بھارت کا دورہ کر رہا ہے۔ یہ گروپ بالی ووڈ کے مشہور گانوں جیسے کہ فلم تنو ویڈز منو کا گانا 'سڈی گلی' اور فلم بار بار دیکھو کے 'کالا چشمہ' پر ڈانس کرکے وائرل ہوگیا تھا۔ یہ گروپ اب ممبئی میں ہے اور انہوں نے انسٹاگرام پر ایک ریل پوسٹ کرکے اپنے فالوورز کے ساتھ یہ خبر شیئر کی۔Quick Style grooves in Mumbai local train

ممبئی کی ایک لوکل ٹرین میں 'لے کے پہلا پہلا پیار' پر ڈانس کرکے یہ گروپ ایک بار پھر سوشل میڈیا پر وائرل ہورہا ہے۔ گروپ کو زبردست ڈانس کرتے ہوئے دیکھا جاسکتا ہے جبکہ مسافروں کو ان کی پرفارمنس سے لطف اندوز ہوتے ہوئے دیکھا جاسکتا ہے۔ کوئیک اسٹائل کے یہ ویڈیو پوسٹ کرنے کے فورا بعد ان کے مداحوں نے خوب تبصرے کیے۔ ایک صارف نے لکھا کہ ' کیا!!! وہ ممبئی میں ہیں؟ میں اس لوکل ٹرین میں جانا چاہتا تھا'۔ ایک اور صارف نے لکھا کہ ' آپ کو ممبئی کی مقامی ٹرین میں خالی جگہ کیسے ملی؟!؟!'۔

حال ہی میں اس ڈانس گروپ کو ممبئی میں کرکٹ کھلاڑی وراٹ کوہلی کے ساتھ دیکھا گیا تھا جس کے بارے میں کرکٹر نے خود اپنے ٹویٹر اکاؤنٹ پر بتایا تھا۔ کرکٹر نے لکھا کہ ' اندازہ لگائیں کہ میں ممبئی میں کس سے ملا ہوں'۔ وراٹ نے اپنے ٹویٹ میں ڈانس گروپ کو بھی ٹیگ کیا تھا۔ اس کے بعد کوئیک اسٹائل نے بھی یہ ویڈیو اپنے انسٹاگرام ہینڈل پر شیئر کی، جس میں وراٹ کوہلی بنداس انداز میں ڈانس کرتے نظر آرہےہیں۔ اس ویڈیو پر وراٹ کوہلی کی اہلیہ اور اداکار انوشکا شرما نے بھی تبصرہ کیا۔

ویڈیو میں اس گروپ کے ایک ڈانسر کو کرکٹ کا بلا اٹھاتے ہوئے دیکھا جاسکتا ہے ، اس کے بعد وراٹ کوہلی داخل ہوتے ہیں اور بلا پکڑ کر ڈانس کرنے لگتے ہیں۔ یہ دیکھتے ہی گروپ کے دیگر ڈانسر بھی ان کے ساتھ مل کر رقص کرنا شروع کردیتے ہیں۔