حیدرآباد: دیسی گرل پرینکا چوپڑا کے غیر ملکی شوہر نک جونس نے اپنی بیوی کی خوبصورت اور ان دیکھی رومانوی تصاویر شیئر کی ہیں۔ نک نے اپنے سوشل میڈیا اکاؤنٹ انسٹاگرام پر یہ تصویر شیئر کرکے پریاکا کے مداحوں کے چہروں پر خوشی لانے کا کام کیا ہے۔ یہ تصویر پرینکا چوپڑا کی سالگرہ (18 جولائی) کی ہے۔ اس تصویر میں نک جونس اور پرینکا چوپڑا کی زبردست کیمسٹری دیکھنے کو مل رہی ہے۔ اس سے بھی خاص بات یہ ہے کہ نک نے اس تصویر کے ساتھ ایک بہت ہی خوبصورت کیپشن بھی لکھا ہے۔Jonas Shares Wife Priyanka's Birthday Pics
نک کی جانب سے شیئر کی گئی تصویر میں پرینکا چوپڑا اپنے شوہر نک جونس کے سامنے کھڑی ہیں اور نک نے اپنی ٹھوڑی پرینکا کے کندھے پر اور ہاتھ کمر پر رکھا ہوا ہے, جب کہ پرینکا نے شوہر نک کا بایاں ہاتھ اپنے بائیں ہاتھ سے خوبصورتی سے پکڑ رکھا ہے۔ پرینکا کے چہرے پر ایک میٹھی مسکراہٹ ہے اور نک کیمرے کی طرف دیکھ رہے ہیں۔
اس تصویر کو شیئر کرتے ہوئے نک نے لکھا ہے، 'لیڈی ان ریڈ'۔ اب جیسے ہی یہ تصویر نک-پریانکا کے مداحوں کی نظروں میں آئی، انہوں نے تصویر پر پیار بھرے تبصرے لکھنے شروع کر دیے۔