حیدرآباد: بگ باس 16 کے گھر کے اندر ریپر ایم سی اسٹین کا سفر شاندار رہا ہے۔ ان کے دلچسپ اسٹائل اور حاضر جوابی نے انہیں گھر کے اندر اور باہر دونوں ہی جگہ لوگوں کے دلوں پر راج کرنے میں مدد کی۔ شیو ٹھاکرے، نمرت کور اہلووالیہ، سنبل توقیر، ساجد خان، اور عبدو روزک کے ساتھ ان کی دوستی کو بھی بہت سے لوگوں نے پسند کیا اور ان کا گروپ' منڈلی' واضح طور پر اس سزین کے خاص چیزوں میں سے ایک رہا۔MC Stan wins Bigg Boss16
گھر میں 130 دن گزارنے کے بعد اسٹین نے گرینڈ فائنل میں شیو ٹھاکرے، ارچنا گوتم اور شالن بھانوٹ کو شکست دی۔ وہ 31 لاکھ روپے سے زائد کی انعامی رقم اور بگ باس ٹرافی اپنے ساتھ گھر لے گئے۔ ایم سی اسٹین کے بگ باس 16 جیتنے کے بعد یقیناً لوگوں میں ایم سی کے بارے میں جاننے کی تجسس بڑھ گئی ہے اور جو لوگ ان کے پونے سے بگ باس تک کے اس سفر کے بارے میں جاننا چاہتے ہیں ان کے لیے یہ خبر فائدہ مند ثابت ہوسکتی ہے۔
ریپر ایمی وے بنٹائی کے ساتھ ان کی جنگ نے شہرت دلائی:
وہ لوگ جو یہ نہیں جانتے تو انہیں بتادیں کہ ایم سی اسٹین ایک معروف ریپر ہیں۔ ایم سی اسٹین ان کا اسٹیج کا نام ہے، انہوں نے بگ باس پر انکشاف کیا کہ ان کا اصلی نام الطاف شیخ ہے۔ ایم سی اسٹین کو ایمی وے بنٹائی کے ساتھ 'ریپ بیٹل' سے سوشل میڈیا پر کافی مقبولیت حاصل ہوئی ۔ انسٹاگرام پر ان کے 8.2 ملین فالوورز ہیں۔ وہ سال 2019 میں اپنے گانے 'کھُجا مت' کی ریلیز کے بعد مقبول ہوئے۔
زیورات اور لگژری لیبلز سے محبت:
ایم سی اپنے چمکدار زیورات اور لگژری لیبل والے لباس پہننے کے لیے بھی مشہور ہیں۔ ایم سی اسٹین کو بگ باس 16 کے دوران اکثر لگژری لیبلز جیسے لوئی ویٹون، ورساچئی، پام اینجلس اور پراڈا کے لباس میں ملبوس دیکھا گیا۔ ایک ایپی سوڈ میں اسٹین نے لوئی ویٹون کی جیکٹ پہنی تھی جس کی قیمت 4.5 لاکھ روپے تھی۔ ایک میڈیا رپورٹ کے مطابق اسٹین نے لوئی ویٹون کی گرین گریڈینٹ جیکٹ پہنی تھی جس کی قیمت 8 ہزار 600 ڈالر ہے، بھارت میں اس جیکٹ کی قیمت تقریباً 8 لاکھ روپے ہے۔ اس کے بعد وہ 40 ہزار روپے کی ٹی شرٹ اور ایل وی مونو گرام والی سبز شرت پہنے ہوئے نظر آئے تھے جس کی قیمت 2.5 لاکھ روپے ہے۔