حیدرآباد: آدی پروش تھیٹروں میں ریلیز ہوئی ہے اور اب تک اوم راوت کی فلم کو ملے جلے جائزے ملے ہیں۔ جہاں کچھ لوگوں کو فلم پسند آئی ہے وہیں کچھ لوگوں نے فلم کے وی ایف ایکس پر تنقید کی ہے۔ اس دوران حیدرآباد میں فلم آدی پروش کی تنقید کیے جانے پر بھیڑ نے تشدد اختیار کرلیا۔ آن لائن منظر عام پر آنے والی ایک ویڈیو میں ایک شخص کو حیدرآباد کے ایک سنیما ہال کے باہر پریس سے خطاب کرتے ہوئے دیکھا جاسکتا ہے۔ جب شخص نے فلم پر اپنی رائے دی تو ارد گرد موجود بھیڑ نے اسے مارنا شروع کردیا۔Man beaten up for criticising Prabhas
وائرل ویڈیو میں اس شخص کو تلگو میں کہتے ہوئے سنا جاسکتا ہے کہ 'انہوں نے پلے اسٹیشن گیمز کے تمام راکشسوں کو فلم میں رکھا ہے۔ فلم میں ہنومان، بیک گراؤنڈ میوزک اور کچھ تھری ڈی منظر کے علاوہ کچھ خاص نہیں ہے'۔ جب پربھاس کی اداکاری کے بارے میں پوچھا گیا تو انہوں نے کہا کہ 'وہ اس کردار میں بالکل نہیں جچ رہے ہیں۔ باہوبلی میں وہ ایک بادشاہ کے کردار میں تھے اور ان کے کردار میں بادشاہت تھی اور وہی دیکھ کر انہیں اس کردار کے لیے منتخب کیا گیا۔ اوم راوت نے پربھاس کو ٹھیک ڈھنگ سے نہیں دکھایا ہے'۔ یہ سنتے ہی وہاں موجود لوگوں نے شخص کو گھیر لیا اور خوب پٹائی کردی۔