Maja Ma Trailer Release مادھوری دکشت کی فلم ماجا ما کا ٹریلر ریلیز

مادھوری دکشت کی آئندہ فلم ماجا ما کا ٹریلر ریلیز کردیا گیا ہے۔ فلم میں مادھوری ایک گجراتی ماں کے کردار میں نظر آںے والی ہیں۔Maja Ma Trailer Release

بالی ووڈ اداکارہ مادھوری ڈکشٹ کی آئندہ فلم ماجا ما کا ٹریلر جمعرات کو ریلیز کردیا گیا ہے۔ فلم کے پروڈیوسر نے ٹیزر جاری کرنے کے ایک دن بعد ٹریلر ریلیز کیا ہے۔ فلم میں مادھوری دکشت ایک متوسط طبقے سے تعلق رکھنے والی گجراتی ماں کے کردار میں نظر آئیں گی ، جسے اپنے بچوں کی زندگی سنوارنے کے دوران ماضی میں ہوئی غلطیوں کا سامنا کرنا پڑتا ہے۔ ایک فیملی انٹرٹینر کے طور پر بنائی گئی اس فلم کی ہدایتکاری آنند تیواری نے کی ہے۔ فلم میں گجراج راؤ مادھوری کے شوہر اور ریتوک بھومک ان کے بیٹے کے کردار میں نظر آنے والے ہیں۔Maja Ma Trailer Release

ٹریلر کا آغاز ریتوک بھومک کے کردار کے ساتھ ہوتا ہے، جو اپنے خاندان کے بارے میں بتاتے ہوئے نظر آتا ہے۔ ٹریلر میں وہ کہتے سنائی دیتی ہے کہ اس کی 'پرفیکٹ' ماں کے علاوہ اس کے گھر کے ہر فرد میں کچھ نہ کچھ کمی ہے۔ ریتوک کے کردار کے بعد ہمیں مادھوری دکشت ایک گجراتی ماں کے کردار میں نظر آتی ہیں جو ڈانس سکھاتی ہیں۔ اس کے بعد ہم دیکھتے ہیں کہ ریتوک کے کردار کو ایک این آر آئی لڑکی سے محبت ہوجاتی ہے اور لڑکی کے امیر والدین بھی ان کی شادی کے لیے راضی ہوجاتے ہیں لیکن اس درمیان ایک ایسا واقعہ پیش آتا ہے جس سے ان کی منگنی توڑ دی جاتی ہے۔

ٹریلر میں آگے دکھایا گیا ہے کہ منگنی والے دن پلوی کا ایک ایسا راز سامنے آتا ہے جو ریتوک کے منگنی ٹوٹنے کی وجہ بن جاتا ہے۔ ماضی میں ہوئے اس واقعہ نے پلوی، جس کا کردار مادھوری نے ادا کیا ہے، کو اپنے حال میں اس بات سے روبرو کرواتا ہے کہ وہ ایک بیوی، ماں اور بہن ہونے سے کچھ زیادہ ہے، اس کی پہچان صرف ان رشتوں تک محدود نہیں ہے۔ اس فلم میں گجراج راؤ مادھوی کے شوہر کے کردار میں نظر آئیں گے۔ فلم میں برکھا سنگھ، سرشٹی شریواستو، راجیت کپور، شیبہ چڈھا بھی اہم کردار میں ہیں۔

لیو میڈیا کلیکٹو اور امرت پال سنگھ بندرا کے ذریعہ تیار کردہ فلم ماجا 6 اکتوبر کو پرائم ویڈیو پر ریلیز ہوگی۔ فلم کی کہانی سمیت بٹھیجا نے لکھی ہے جبکہ ہدایتکاری آنند تیواری نے کی ہے۔