Kili Paul attacked: سوشل میڈیا اسٹار کلی پال پر چاقوؤں سے حملہ

بھارتی نغموں اور ہندی ڈائیلاگ پر ویڈیو بنانے والے تنزانیہ کے مشہور سوشل میڈیا اسٹار کِلی پال پر کچھ نامعلوم شرپسندوں نے لاٹھیوں اور چاقوؤں سے حملہ کیا ہے۔ کلی کی بہن نے ایک ویڈیو شیئر کی ہے جس میں کلی بے ہوشی کے حالت میں نظر آرہے ہیں۔ Kili Paul attacked

حیدرآباد: تنزانیہ کے سوشل میڈیا اسٹار کلی پال ہندی نغموں پر ریلز بنا کر پوری دنیا سے تعریفیں بٹور رہے ہیں۔ وہ اپنے ہر ویڈیو کے ذریعہ بھارتیوں کا دل یوں جیت لیتے ہیں۔ حال ہی میں کلی کے شاندار انداز کے لیے بھارتی سفارتخانے نے انہیں اعزاز سے نوازا۔ بھارت کے وزیراعظم نریندر مودی بھی کلی کی صلاحیتوں اور ہنر کی تعریف کرچکے ہیں۔ وہیں کلی کو انسٹاگرام پر کروڑوں مداح فالو کرتے ہیں۔ اس درمیان کلی پال کو لے کر ایک بری خبر سامنے آئی ہے۔ کلی پر پانچ نامعلوم افراد نے حملہ کرکے انہیں شدید طور پر زخمی کردیا ہے۔ Kili Paul attacked

ان نامعلوم شرپسندوں نے پہلے کلی کو ڈنڈوں سے مارا اور پھر چاقوؤں سے حملہ کیا۔ کلی اس حملے میں بری طرح سے زخمی ہوئے ہیں اور انہیں پانچ ٹانکے بھی لگے ہیں۔ دراصل کلی کے ساتھ ویڈیو بنانے والی ان کی بہن نیما کلی پال نے ایک ویڈیو شیئر کرتے ہوئے اس بات کی جانکاری دی۔ اس ویڈیو میں کلی زخمی حالت میں اسٹریچر پر لیٹے ہوئے نظر آرہے ہیں۔

سوشل میڈیا اسٹار کلی پال پر چاقوؤں سے حملہ

نیما نے پوسٹ میں لکھا کہ 'کلی پال کے لیے دعا کرو، وہ جلد ٹھیک ہوجائے۔ انہوں نے لکھا کہ پانچ لوگوں نے حملہ کیا ہے، دائیں ہاتھ اور پیر کو چوٹ لگی ہے۔ پانچ ٹانکے آئے ہیں۔ لاٹھی اور ڈنڈوں سے بھی پیٹا گیا ہے۔ خدا کا شکر ہے کہ ہم نے صحیح وقت پر اپنا بچاؤ کرلیا ہے'۔

واضح رہے کہ کلی پال نے سب سے پہلے ہندی فلم شیرشاہ کے گانے' رات لمبیاں' پر ریل بنائی تھی۔ یہاں سے کلی کی قسمت چمک اٹھی تھی۔ کلی کی ویڈیو دیکھنے کے لیے انکے مداح بےتاب رہتے ہیں۔ واضح رہے کہ کلی کو انسٹاگرام پر تین ملین سے زائد فالورز ہیں۔