حیدرآباد: کترینہ کیف، سدھانت چترویدی اور ایشان کھٹر کی آئندہ فلم 'فون بھوت' کی ریلیز کی تاریخ کا اعلان کردیا گیا ہے۔ کترینہ کیف نے سوشل میڈیا پر فلم کا پوسٹر شیئر کرتے ہوئے یہ جانکاری دی۔ اس سے قبل فلم کے سیٹ سے کئی تصاویر اور ویڈیوز شیئر کی گئی تھیں۔ حال ہی میں 'فون بھوت' کا موشن پوسٹر جاری کرتے ہوئے بتایا گیا تھا کہ فلم کی ریلیز کی تاریخ کا اعلان جلد کیا جائے گا۔ جس کے بعد آج کترینہ نے بتایا کہ فلم فون بھوت 7 اکتوبر کو ریلیز ہوگی۔Phone Bhoot Release Date
بالی ووڈ اداکار وکی کوشل سے شادی کے بعد کترینہ نے خود کو بڑے پردے سے دور کر لیا تھا۔ اس سے قبل 27 جون کو کترینہ نے سوشل میڈیا پر اپنے پروجیکٹ کے بارے میں ایک بڑی جانکاری دی تھی۔ اداکارہ نے فلم کا موشن پوسٹر اپنے آفیشل انسٹاگرام ہینڈل پر شیئر کیا۔ اب انہوں نے فلم کی پوسٹ شیئر کی ہے اور لکھا ہےکہ ' فون بھوت کی دنیا میں خوش آمدید، یہ 7 اکتوبر کو آپ کے نزدیکی سنیما گھروں میں آرہا ہے'۔ Katrina Kaif Next Film Phone Bhoot
واضح رہے کہ گزشتہ روز کترینہ نے مداحوں کو فلم کا پوسٹر ریلیز کرتے ہوئے بتایا تھا کہ فلم کی ریلیز تاریخ کا اعلان 28 جون کو کیا جائے گا'۔ جس کے بعد آج یعنی 28 جون کو اداکارہ نے فون بھوت کی ریلیز کی تاریخ کا اعلان کردیا ہے۔