حیدرآباد: چھ سال سے زائد عرصے کے بعد کرن جوہر اپنی فلم راکی اور رانی کی پریم کہانی سے بطور ہدایت کار ہندی فلم انڈسٹری میں واپسی کر رہے ہیں۔ جیسا کہ کرن نے بطور ڈائریکٹر بالی ووڈ میں 25 سال مکمل کرلیے ہیں، جس کی وجہ سے یہ سال ان کے لیے مزید خاص ہوجاتا ہے۔ انہوں نے اب تک کے سفر کو یاد کرتے ہوئے انسٹاگرام اکاؤنٹ پر ایک ویڈیو شیئر کی۔ اس کے علاوہ کرن جوہر 25 مئی کو اپنی 51 ویں سالگرہ منانے والے ہیں۔Rocky Aur Rani Ki Prem Kahani first look
اپنی پوسٹ شیئر کرتے ہوئے انہوں نے سوشل میڈیا پر یہ بھی اعلان کیا کہ راکی اور رانی کی پریم کہانی کی پہلی جھلک ان کی سالگرہ پر سامنے آئے گی۔ کرن نے انسٹاگرام پر ایک مونٹیج ویڈیو پوسٹ کی جس میں ہندی فلم انڈسٹری میں بطور فلمساز اپنے سفر کو یاد کیا۔ کرن نے اس ویڈیو میں اپنی مقبول فلموں کی کچھ جھلک کو بھی شامل کیا ہے اور ساتھ ہی اس ویڈیو کے بیک گراؤنڈ میں ان کی آواز بھی سننے کو مل رہی ہے۔جس میں وہ اپنے پرانے دنوں کو یاد کرتے سنائی دے رہے ہیں۔
اس ویڈیو کی شروعات ان کی فلم کچھ کچھ ہوتا کے ایک سین سے شروع ہوتی ہے جس میں راہل، انجلی اور ٹینا نظر آتے ہیں۔ اس ویڈیو کے بیک گراؤنڈ میں کرن جوہر اپنی کہانی بیان کرتے ہیں۔ ویڈیو کے آخر میں وہ اپنی آئندہ فلم راکی اور رانی کی پریم کہانی کا ذکر کرتے ہیں۔ کرن کہتے ہیں کہ 'یہ ایک ایسی فلم ہے جسے میں کافی عرصے سے آپ سب کے ساتھ شیئر کرنے کا انتظار کر رہا تھا۔ آخر کار یہ فلم اب بن گئی ہے۔ ہمارے ساتھ شامل ہوں تاکہ ہم ایک ساتھ محبت، خاندان اور کئی چیزوں کا جشن مناسکیں'۔