حیدرآباد: مشہور فلمساز، پروڈیوسر، ڈیزائنر کرن جوہر اپنے مقبول چیٹ شو کافی ود کرن کے ساتویں سیزن سے خوب سرخیاں بٹور رہے ہیں۔ اس شو کے اب تک 10 ایپی سوڈز آچکے ہیں اور سبھی ایپی سوڈز نے کافی سرخیاں بنائی ہیں۔ حالیہ ایپی سوڈ، جس میں کترینہ کیف، ایشان کھٹر اور سدھانت چترویدی نظر آئے ہیں۔ اس ایپی سوڈ میں انکشاف ہوا ہے کہ کترینہ کیف کے بھائی بالی ووڈ کی خوبصورت اداکارہ الیانا ڈی کروز کو ڈیٹ کر رہے ہیں۔ Ileana D Cruz relationship with Katrina's Brother
رواں سال جولائی میں وکی کوشل نے اپنی بیوی کترینہ کیف کی سالگرہ منائی تھی۔ کترینہ کی سالگرہ منانے کے لیے یہ جوڑا اپنے دوستوں کے ساتھ مالدیپ گیا تھا، جہاں ان لوگوں نے بہت مزے کئے۔ وہیں الیانا ڈی کروز بھی کترینہ کیف کے بھائی سیبیسٹن لارنٹ میچل کے ساتھ ان کی سالگرہ کے موقع پر موجود رہی تھی، جس کے بعد سے دونوں کی ڈینٹنگ کی خبریں سامنے آرہی تھیں۔
کافی ود کرن 7 میں کرن جوہر نے کترینہ سے مالدیپ میں اپنے دوستوں اور خاندان کے ساتھ سالگرہ منانے کے بارے میں بات کی۔ اس کے بعد انہوں نے الیانا کے کترینہ کے خاندان سے تعلق کے بارے میں پوچھتے ہوئے کہا کہ ہمیں اس کی تصدیق کرنے کی ضرورت نہیں ہے۔
کرن نے مزید کہا کہ 'میں نے مالدیپ سے سامنے آئی آپ کی سالگرہ کی تصاویر دیکھی اور میں نے سوچا اور کہا کہ ٹھیک ہے میں نے پارٹی میں ان دونوں کو اپنے سامنے ملاقات کرتے ہوئے دیکھا ہے لیکن یہ کافی جلدی نہیں ہے'۔ کرن کے اس تبصرے پر کترینہ صرف مسکراتی ہوئی نظر آئیں اور کہا کہ کرن کی نظریں بہت تیز ہے۔