Kapil Sharma Mega BlockBuster Poster: دیپیکا پڈوکون کا مداحوں کو تحفہ، اداکارہ بھی کپل شرما کے میگا بلاک بسٹر کا بنی حصہ

کپل شرما کے میگا بلاک بسٹر پروجیکٹ میں رشمیکا مندانا، روہت شرما اور سورو گنگولی کے بعد دیپیکا پڈوکون بھی شامل ہوں گی ۔ دیپیکا نے بھی میگا بلاک بسٹر کا پوسٹر شیئر کر مداحوں کو یہ جانکاری دی ہے۔Kapil Sharma Mega BlockBuster Poster

حیدرآباد: کامیڈی کے بادشاہ کپل شرما ایک کے بعد ایک مداحوں کو سرپرائز دے رہے ہیں۔ آج کپل شرما نے اپنے نئے پروجیکٹ ' میگا بلاک بسٹر' کا ایک پوسٹر شیئر کر مداحوں کی تجسس میں اضافہ کردیا تھا کیونکہ لوگوں کو سمجھ نہیں آرہا تھا کہ یہ کس طرح کا پروجیکٹ ہونے والا ہے۔ لیکن اب مداحوں کی بے چینی مزید بڑھ گئی ہے کیونکہ مشہور اداکارہ دیپیکا پڈوکون نے بھی کچھ اس طرح کا اپنا پوسٹر شیئر کیا ہے۔

اس پوسٹر کو شیئر کرتے ہوئے دیپیکا پڈوکون نے لکھا ہے 'سرپرائز اور ٹریلر 4 ستمبر کو ریلیز ہوگا'۔ خیال رہے کہ دیپیکا سے قبل رشمیکا مندانا اور کرکٹر روہت شرما نے بھی کچھ اس طرح کا پوسٹر شیئر کیا ہے۔

کپل شرما نے کچھ دن قبل اپنی آئندہ فلم 'زویگاٹو' کا اعلان کیا اور اس کے بعد اداکار نے اپنا گھر گھر مقبول کامیڈی شو 'دی کپل شرما شو' کے اگلے سیزن کا بھی اعلان کردیا ہے۔ یہ شو 10 ستمبر سے آن ایئر ہوگا۔ ان سب کے درمیان کپل شرما نے آج صبح صبح اپنی نئی پروجیکٹ کا ایک پوسٹر شیئر کیا تھا ۔Kapil Sharma Mega BlockBuster Poster

اب اس پوسٹر کو دیکھ کر شائقین الجھن میں ہیں کہ آخر یہ پراجیکٹ کیا ہے؟ مداح حیران ہیں کہ کیا کپل کا نیا پروجیکٹ کوئی فلم ہے۔ کیونکہ اس پوسٹر پر 'میگا بلاک بسٹر' لکھا ہوا ہے۔ پوسٹر شیئر کرتے ہوئے کپل نے کیپشن میں لکھا، 'یہ میرے مداحوں کے لیے ہے، امید ہے آپ کو پسند آئے گا، ٹریلر 4 ستمبر کو ریلیز ہوگا'۔Kapil Sharma Mega BlockBuster Poster

اس تجسس میں مزید اضافہ اس وقت ہوا جب ساؤتھ کی سپرہٹ اداکارہ رشمیکا مندانا کا بھی کپل شرما کی طرح ایک پوسٹر سامنے آیا۔ رشمیکا کے پوسٹر پر بھی میگا بلاک بسٹر لکھا ہوا ہے اور اس میں وہ مسکراتے ہوئے ہاتھ جوڑتی ہوئی نظر آرہی ہیں۔ رشمیکا مندانا نے بھی پوسٹ شیئر کرتے ہوئے پروجیکٹ کے حوالے سے کچھ خاص انکشاف نہیں کیا اور صرف اتنا لکھا 'مزے کی چیزیں'۔

اس کے علاوہ ٹیم انڈیا کے کپتان روہت شرما، سابق کپتان سورو گنگولی اور جنوبی اداکارہ ترشا کرشنن بھی کچھ اس طرح کے پوسٹر میں نظر آ رہے ہیں۔ ان تمام پوسٹرز کے نیچے ایک بات لکھی ہے، ٹریلر 4 ستمبر کو ریلیز کیا جائے گا۔

اب شائقین کو 4 ستمبر کا بے صبری سے انتظار ہے کہ کپل شرما کا یہ نیا پروجیکٹ کیا ہے؟ اب 4 ستمبر کو ہی راز سے پردہ فاش ہوگا۔