Kangana Ranaut Warns Bollywood: کنگنا رناوت نے بالی ووڈ کو سیاست سے دور رہنے کا انتباہ دیا

کنگنا رناوت ٹویٹر پر آنے کے بعد مسلسل بالی ووڈ کو تنقید کا نشانہ بنارہی ہیں۔ اب اداکارہ نے بالی ووڈ کو وارننگ جاری کرتے ہوئے ایک ٹویٹ کیا کہ 'ہندی فلم انڈسٹری کے لوگوں کو اپنی کامیابی کا مزہ لینا چاہیے اور سیاست سے دور رہنا چاہیے'۔ 25 جنوری کو ریلیز ہونے والی شاہ رخ خان کی فلم پٹھان کی کامیابی کے بعد اداکارہ فلم کے حوالے سے لگاتار ٹویٹ کر رہی ہیں۔

شاہ رخ خان کی فلم پٹھان نے 25 جنوری کو ریلیز ہونے کے بعد سے باکس آفس پر کئی ریکارڈ توڑے ہیں اور کئی نئے ریکارڈ بنائے ہیں۔ جہاں پورا بالی ووڈ فلم کی کامیابی اور شاہ رخ خان کو ایک طویل وقت کے بعد اسکرین پر دیکھنے کی خوشی میں ڈوبا ہوا ہے وہیں اداکارہ کنگنا رناوت مسلسل فلم کے حوالے سے ٹویٹ کرکے اسے تنقید کا نشانہ بنا رہی ہیں۔ پٹھان میں 'دشمن ملک' پاکستان کی نیک شبیہ پیش کرنے اور فلم کی کامیابی کو 'محبت کی جیت ' بتانے والے لوگوں کو تنقید کا نشانہ بنانے کے بعد اب کنگنا نے بالی ووڈ کو متنبہ کیا ہے کہ 'وہ سیاست سے دور رہیں'۔ حال ہی میں اداکارہ عالیہ بھٹ اور فلمساز کرن جوہر نے انسٹاگرام پر پٹھان کی تعریف کی تھی۔ جہاں عالیہ نے لکھا تھا 'محبت کی ہمیشہ جیت ہوتی ہے'، وہیں کرن نے لکھا تھا کہ ' نفرت کے اوپر ہمیشہ محبت کی جیت ہوتی ہے'۔Kangana Ranaut warns Bollywood

ہفتے کی صبح کنگنا رناوت نے ٹویٹ کرتے ہوئے لکھا کہ ' بالی ووڈ والے یہ کہانی گھڑنے کی کوشش مت کرنا کہ اس دیش میں تم ہندو نفرت سے دو چار ہو رہے ہو۔ اگر میں نے پھر سے یہ لفظ سنا ' نفرت پر فتح' تو تم لوگوں کی وہی کلاس لگے گی جو کل لگی تھی۔ اپنی کامیابی کا لطف اٹھاؤ اور اچھا کام کرو، سیاست سے دور رہو'۔ واضح رہے کہ سال 2020 میں سوشل میڈیا پلیٹفارم کے اصولوں کی خلاف ورزی کرنے پر اداکارہ کے ٹویٹر اکاؤنٹر پر پابندی عائد کردی گئی تھی، جسے اب ہٹادیا گیا ہے اور وہ دوبارہ ٹویٹر پر واپس آگئی ہیں۔

ان کے اس ٹویٹ پر کئی ٹویٹر صارفین نے اپنے ردعمل کا اظہار کیا ہے اور کچھ ٹویٹر صارفین کا یہ کہنا ہے کہ کنگنا اپنی ذاتی فائدے کےلیے پٹھان پر بار بار ٹویٹ کر رہی ہیں۔ ایک صارف نے لکھا کہ 'چلو پٹھان کو سائڈ میں کرتے ہیں۔۔۔ 'نفرت پر فتح' کی ایک اور مثال یہ ہے کہ کس طرح آپ کی پچھلی نو فلمیں یکے بعد دیگرے فلاپ ہوئیں۔ شائقین نے کنگنا کو ناکارہ ہے ہم سب جانتے ہیں کہ اب آپ اسمرتی ایرانی کے جیسے پوزیشن حاصل کرنے کے لیے بے چین ہیں۔ ایک اور شخص نے ٹویٹ کیا کہ ' میڈیم جی، آپ کہاں سے ہو؟ بالی ووڈ سے نہیں ہو؟ آپ ہالی ووڈ سے ہو؟ آپ کیوں ایسی باتیں کرتی ہو؟ ایک اور صارف نے لکھا کہ 'جتنی نفرت کروگی اتنی ہی ذہنی حالت اور خراب ہوگی۔ تھوڑا دماغ کو آرام دو'۔

واضح رہے کہ جمعہ کے روز کئی ٹویٹس کرتے ہوئے کنگنا نے ان لوگوں کو بھی مخاطب کیا تھا جو 'یہ دعوی کرتے ہیں کہ پٹھان 'نفرت پر محبت کی فتح ہے'۔ انہوں نے کہا تھا کہ ' پٹھان کے تئیں بھارت کی محبت اور مساوات کی وجہ سے فلم سنیما گھروں میں کامیابی سے چل رہی ہے'۔ انہوں نے ایک اور ٹویٹ کرتے ہوئے کہا کہ ' وہ تمام لوگ جو دعوی کر رہے ہیں کہ پٹھان نفرت کے اوپر محبت کی جیت ہے، میں اسے اتفاق کرتی ہوں لیکن کسی کی نفرت پر کسی کی محبت ہے؟ یہاں واضح کریں کہ کون ٹکٹیں خرید رہا ہے اور اسے کامیاب بنا رہا ہے؟ ہاں یہ بھارت کی محبت اور مساوات ہے جہاں 80 فیصد ہندو رہتے ہیں اور پھر بھی پٹھان نامی فلم جو ہمارے دشمن ملک پاکستانا ور آئی ایس آئی کو اچھی روشنی میں دکھاتی ہے، کامیابی سے چل رہی ہے۔ نفرت اور فیصلوں سے بالاتر بھارت کا یہی جذبہ اسے مہان بناتا ہے'۔

اداکارہ نے یہ بھی ٹویٹ کیا تھا کہ ' یہ بھارت کی محبت ہے جس نے دشمنوں کی نفرت اور چھوٹی سیاست پر فتح حاصل کی ہے لیکن وہ تمام لوگ جنہیں بہت زیادہ امیدیں ہیں، براہ کرم نوٹ کریں۔۔ پٹھان صرف ایک فلم ہوسکتی ہے۔۔۔گونجے گا تو یہاں صرف جئے شری رام۔۔جئے شری رام'۔