حیدرآباد: کنگنا رناوت نے ایک ٹویٹر صارف کے اس ٹویٹ پر ردعمل ظاہر کیا جس میں ہماچل پردیش کے کانگڑا کے بیجناتھ مندر میں ایک لڑکی کے چھوٹے کپڑے پہن کر جانے کی تنقید کی گئی تھی۔ اداکارہ نے اس ٹویٹ سے اتفاق ظاہر کیا اور انہوں نے لڑکی کی تنیقد کرتے ہوئے اسے 'جوکر قرار' دیا۔ انہوں نے ٹویٹ کا جواب دیتے ہوئے شارٹس میں ویٹیکن سٹی میں داخل ہونے کی اجازت نہ ملنے کے اپنے واقعہ کے بارے میں بھی بات کی۔Kangana Ranaut slams girl
ٹویٹر پر ایک صارف نے بیجناتھ مندر کے احاطے میں کھڑی دو لڑکیوں کی تصاویر پوسٹ کیں۔ ایک لڑکی کراپ ٹاپ اور شارٹس پہنے نظر آرہی ہے اور دوسری جینز پہنے نظر آرہی ہے۔ یہ تصاویر شیئر کرتے ہوئے صارف نے کیپشن میں لکھا کہ 'یہ ہماچل کے مشہور شیو مندر بیجناتھ کا منظر ہے، وہ بیجناتھ مندر تک ایسے پہنچے ہیں جیسے کسی پب یا نائٹ کلب میں گئے ہوں، ایسے لوگوں کو اندر جانے کی اجازت نہیں ہونی چاہیے۔ میں اس کی سخت مخالفت کرتا ہوں، یہ سب دیکھ کر اگر میری سوچ کو چھوٹا یا برا کہا جائے تو یہ بھی قابل قبول ہے!'۔
کنگنا نے اس پوسٹ پر ردعمل دیتے ہوئے لکھا کہ 'یہ مغربی کپڑے ہیں، جنہیں سفید فام لوگوں نے ایجاد کیا اور اس کی تشہیر کی میں ایک بار ویٹیکن میں شارٹس اور ٹی شرٹ پہن کر گئی تھی، مجھے احاطے میں بھی جانے کی اجازت نہیں دی گئی، مجھے واپس اپنے ہوٹل جانا پڑا اور کپڑا بدلنا پڑا۔۔۔ یہ جوکرز جنہوں نے نائٹ ڈریس ایسے پہن رکھی ہے جیسے کہ یہ کوئی معمولی بات ہو یہ کاہل اور بیوقوف کے سوا کچھ نہیں ہیں۔ مجھے نہیں لگتا کہ یہ اس قابل بھی ہیں کہ کچھ سوچ سکیں لیکن ایسے احمقوں کے لیے سخت قوانین ہونے چاہیے'۔
کنگنا کا تعلق ہماچل پردیش کے شہر منالی سے ہے اور وہ اکثر انسٹاگرام پر اپنی ریاست کی ثقافت کے بارے میں بات کرتی نظر آتی ہیں۔ اداکارہ نے حال ہی میں اپنے ہریدوار کے سفر کی جھلکیں شیئر کیں، جہاں انہیں دریائے گنگا کے کنارے آرام کرتے دیکھا جا سکتا ہے۔ کنگنا اگلی بار ایمرجنسی میں نظر آئیں گی، جس میں اداکاری کرنے کے علاوہ انہوں نے فلم کی ہدایت کاری بھی کی ہے۔
مزید پڑھیں:Shabana Azmi on LSC: شبانہ اعظمی نے کنگنا رناوت کے دعویٰ کو غلط ثابت کیا
