حیدرآباد: آزاد ہند کے پہلے وزیر اعظم پنڈت جواہر لعل نہرو کی یاد میں ہر سال 14 نومبر کو یوم اطفال منایا جاتا ہے۔ اس خاص موقع پر بالی ووڈ اداکارہ کاجول نے انسٹاگرام پر بچپن کی ایک تصویر شیئر کی جس میں وہ اپنی چھوٹی بہن اور اداکارہ تنیشا مکھرجی کے ساتھ نظر آرہی ہیں۔ یہ ایک پرانی تصویر ہے، جس میں دونوں بہنیں کیمرے کے سامنے مسکرا رہی ہیں۔ اداکارہ نے یہ تصویر شیئر کرکے مداحوں کو یوم اطفال کی مبارکباد دی ہے۔Kajol Shares pic on Children's Day
اس تصویر میں کاجول اور ان کی بہن نے ملتے جلتے لباس پہنے ہوئے ہیں۔ وہ دونوں گلابی سفید فراک میں تیار نظر آرہی ہیں۔ جہاں کاجول کا شرارتی انداز دیکھنے کو مل رہا ہے وہیں تنیشا کے چہرے پر معصومیت بکھیری ہوئی ہے۔ دونوں کے بال چھوٹے نظر آرہے ہیں۔ کاجول اپنی بہن کو گود میں اٹھائے کیمرے کے سامنے پوز دے رہی ہیں۔
انسٹاگرام پر تصویر شیئر کرتے ہوئے کاجول نے لکھا کہ 'میرے اندر موجود بچے کو یوم اطفال مبارک ہو… پاگل رہو، برے رہو جیسے ہو ویسے رہو۔ تم جیسے ہو بالکل ویسے ہی اچھے ہو'۔ اب مداحوں کی جانب سے کاجول کی اس تصویر کو بے حد پسند کیا جارہا ہے۔اس تصویر پر اب تک 35 ہزار لائکس آچکے ہیں۔ اس کے ساتھ ہی کچھ مداح ایسے ہیں جو اس خوبصورت تصویر پر دل والا ایموجی شیئر کر رہے ہیں اور اداکارہ کو یوم اطفال کی مبارکباد دے رہے ہیں۔