حیدرآباد: بالی ووڈ کی خوبرو اداکارہ اکثر سوشل میڈیا میں اپنی بے باک تصویریں شیئر کر مداحوں کو دیوانہ بناتی رہتی ہیں۔ اب اداکارہ کی نئی فلم ' گڈ لک جیری' کا پہلا پوسٹر سامنے آیا ہے۔ اداکارہ نے خود اپنی فلم کا پوسٹر شیئر کیا ہے۔ Good Luck Jerry First Look OUT
اداکارہ نے سوشل میڈیا پر کچھ تصاویر پوسٹ کی ہیں، جن میں اداکارہ کا شاندار انداز نظر آرہا ہے۔جھانوی نے فلم کا پوسٹر شیئر کرتے ہوئے او ٹی ٹی پلیٹ فارم پر فلم کے ریلیز ہونے کی تاریخ کا بھی اعلان کیا ہے۔ اس فلم کا اعلان بہت پہلے کیا گیا تھا لیکن فلم کا پوسٹر اب ریلیز کیا گیا ہے۔ اس سے قبل جھانوی نے فلم کی پہلی جھلک اپنے انسٹاگرام اکاؤنٹ پر مداحوں کے ساتھ شیئر کی تھی۔
فلم کا پہلا پوسٹر شیئر کرتے ہوئے جھانوی کپور نے لکھا ہےکہ 'نکل پڑی ہوں میں ایک نئے ایڈونچر پر... گڈ لک نہیں بولیں گے'۔ یہ فلم 29 جولائی سے ڈزنی پلس ہاٹ اسٹار پر دکھائی جائے گی۔ آنند ایل رائے اور سباسکرن کی پروڈیوس کردہ فلم 'گڈ لک جیری' میں جانوی کے علاوہ دیپک ڈوبریال، میتا وششت، نیرج سود اور سشانت سنگھ بھی نظر آئیں گے۔
واضح رہے کہ شوٹنگ سے قبل پنجاب کے بسی پٹھانہ میں ٹیم کو کسانوں کی مخالفت کا سامنا کرنا پڑا تھا اور مشتعل افراد نے ان کی شوٹنگ روک دی تھی۔ بعد ازاں جھانوی کپور نے اپنے سوشل میڈیا پر کسانوں کے حق میں اسٹیٹس ڈالا تب کہیں شوٹنگ دوبارہ شروع کردی گئی۔ فلم کی ہدایات سدھارتھ سینگپتا نے کی ہے۔
مزید پڑھیں:جھانوی کپور سمیت ان اداکارؤں نے ایوارڈ شو میں اپنے حسن کے جلوے بکھیرے، دیکھیں تصاویر
