ممبئی: بالی ووڈ اداکار گلشن دیویا نے اداکار نوازالدین صدیقی کے ڈپریشن پر کیے گئے تبصرے پر ردعمل ظاہر کیا ہے۔ گلشن نے اپنے سوشل میڈیا ہینڈل پر اداکار کے انٹرویو کا ایک لنک شیئر کیا جس میں وہ ڈپریشن کے بارے میں بات کرتے ہوئے دیکھے جا سکتے ہیں۔ حالیہ ایک انٹرویو میں نوازالدین نے کہا تھا کہ ' کس طرح گاؤں میں کوئی بھی افسردہ نہیں ہوتا اور شہروں میں رہنے والے لوگ اپنے جذبات کو زیادہ بڑھا چڑھا کر بتاتے ہیں'۔Nawazuddin Siddiqui on depression
نوازالدین کے اس تبصرے پر دہاڑ کے اداکار نے ٹویٹر پر اپنے ردعمل کا اظہار کرتے ہوئے لکھا کہ 'دریتھراشٹر اور گاندھری سنڈروم۔ اس شخص کے ہنر و فن کے تئیں میری بہت عزت ہے لیکن میں اس معاملے پر انہیں سنجیدگی سے نہیں لیتا۔ اس کے بعد انہوں نے کہا کہ دیہی برادریوں میں شراب نوشی اور لتیں موجود ہیں۔ شراب نوشی یا نشے کی لت صرف دیہی علاقوں میں موجود ہے اور یہ ذہنی بیماری ہے۔ کوئی بھی شخص صرف اس لیے نشے کا عادی نہیں ہوتا کیونکہ وہ اسے پسند کرتا ہے۔ نشہ ایک علامت ہے اصل مسئلہ وہ صددمہ ہے جسے وہ ٹھیک نہیں کرسکتا'۔