Hema Malini reacts to Dharmendra Kissing scene: دھرمیندر اور شبانہ اعظمی کے کسنگ سین پر ہیما مالنی کا ردعمل، 'میں دھرم جی کے لیے خوش ہوں'

ہمیا مالنی نے حالیہ ریلیز فلم راکی اور رانی کی پریم کہانی میں اپنے شوہر دھرمیندر پر فلمائے گئے اس سین پر ردعمل ظاہر کیا ہے جو اس وقت سوشل میڈیا پر توجہ کا مرکز بنی ہوئی ہے۔

تجربہ اداکار دھرمیندر ان دنوں راکی اور رانی کی پریم کہانی میں اداکارہ شبانہ اعظمی کو بوسہ دینے والے سین کی وجہ سے کافی سرخیوں میں ہیں۔ اب ان کی اہلیہ ہمیا مالنی نے بھی حال ہی میں ایک کتاب کی رسم اجراء تقریب میں اپنے شوہر دھرمیند کے کسنگ سین پر اپنا ردعمل شیئر کیا ہے۔ بالی ووڈ کی ڈریم گرل اپنے بھائی آر کے چکرورتی کی سوانح عمری گیلوپنگ ڈیکیڈز کی لانچنگ تقریب کے لیے نئی دہلی میں تھیں۔ Hema Malini reacts to Dharmendra Kissing scene

کرن جوہر کے رومانوی کامیڈی فلم میں دھرمیندر اور شبانہ اعظمی نے محبت میں جدا ہوئے دو پریمیوں کا کردار ادا کیا ہے۔ جو کئی دہائیوں بعد ایک دوسرے سے دوبارہ ملتے ہیں اور ان کے درمیان کی محبت واپس جاگ اٹھی۔ اس فلم میں عالیہ بھٹ اور رنویر سنگھ نے اہم کردار ادا کیا ہے۔

ٹائمز ناؤ کی رپورٹ کے مطابق جب اس وائرل کس کے بارے میں ہیما مالنی سے پوچھا گیا تب انہوں نے ہنستے ہوئے اپنے جواب میں کہا کہ ' میں نے ابھی تک نہیں دیکھا ہے'۔ انہوں نے مزید کہا کہ ' مجھے یقین ہے کہ لوگوں نے فلم کو پسند کیا ہے۔میں دھرم جی کے لیے بہت خوش ہوں، کیونکہ وہ ہر وقت کیمرے کے سامنے رہنا پسند کرتے ہیں۔ وہ اس سے محبت کرتے ہیں'۔

دھرمیندر اور ہیما مالنی حالیہ ہفتوں میں اس وقت سرخیوں میں آئے تھے، جب ہیما اور ان کی دو بیٹیوں نے دھرمیندر کے پوتے کرن دیول کی شادی میں شرکت نہیں کی تھی۔ کرن دیول، سنی دیول کے بیٹے ہیں۔ دھرمیندر کے اپنی پہلی بیوی پرکاش کور سے چار بچے ہیں اور ہیما کے ساتھ ان کی دو بیٹیاں ہیں۔ حال ہی میں ایشا دیول نے کرن کو ان کی شادی پر مبارکباد دی تھی اور فلم غدر 2 کے ٹریلر ریلیز سے قبل اپنے بھائی سنی دیول کو مبارکباد دی تھی۔