ممبئی (مہاراشٹر): مشہور فلمساز ہنسل مہتا نے جمعہ کی صبح اداکار ارباز خان کو راجر فیڈرر سمجھنے کی غلطی کرکے نئے تنازع کو جنم دے دیا ہے۔ فلمساز نے 20 بار گرینڈ سلیم سنگلز کے چیمپئین رہے راجر فیڈرر کے بارے میں ایک پوسٹ شیئر کی تھی۔Hansal Mehta on Roger Federer
ارباز خان کو راجر فیڈرر سمجھنے پر ٹرول ہوئے ہنسل مہتا ہنسل نے ٹویٹر پر لکھا کہ 'چیمپیئن راجر فیڈرر آپ کو یاد کروں گا'۔ فلمساز نے اس ٹویٹ میں 41 سالہ کھلاڑی کی تصویر استعمال کرنے کے بجائے بالی ووڈ اداکار سلمان خان کے بھائی ارباز کی تصویر پوسٹ کردی۔ واضح رہے کہ گُھٹنے کی تین آپریشن کی وجہ سے راجرر فیڈرر نے جولائی 2021 میں ومبلڈن کے بعد سے کوئی مقابلہ نہیں کھیلا ہے۔
ارباز خان کو راجر فیڈرر سمجھنے پر ٹرول ہوئے ہنسل مہتا ان کی اس حالیہ پوسٹ کے لیے ٹویٹر پر ہنسل مہتا کو جم کر ٹرول کیا گیا۔ سوشل میڈیا صارفین انہیں ٹینس لیجنڈ کو نہ پہچاننے پر تنقید کا نشانہ بنا رہے ہیں۔ ہنسل مہتا کی پوسٹ پر ردعمل ظاہر کرتے ہوئے ایک صارف نے لکھا کہ 'فلم انڈسٹری سے ہو اور پھر یہ بھی ایسے پوسٹ کر رہے ہو، شرم کرو۔ پھر کہتے ہو بالی ووڈ کا بائیکاٹ کیوں ہوا'۔ وہیں دوسرے صارف نے لکھا کہ ' بھارت میں راجرر فیڈرر کا ہمشکل مل گیا'۔
15 ستمبر کو فیڈرر نے سوشل میڈیا پر ریٹائرمنٹ کا اعلان کیا۔ ٹینس کھلاڑی نے ٹویٹر پر ایک بیان جاری کرتے ہوئے کہا کہ ' لیور کپ اگلے مہینے میرا آخری اے ٹی پی ٹور ایونٹ ہوگا۔ میں مزید کوئی گرینڈ سلیم یا ٹور پر نہیں کھیلوں گا۔
فیڈرر نے اپنی ٹویٹر پوسٹ پر مزید کہا کہ 'گزشتہ تین برسوں میں مجھے زخمی اور سرجریوں کی شکل میں مختلف چیلنجز کا سامنا کرنا پڑا لیکن میں نے کورٹ پر واپسی کے لیے سخت محنت کی ۔ لیکن میں اپنے جسمانی طاقت اور حد کو بھی جانتا ہوں۔ یں 41 سال کا ہوں اور 24 سالوں میں 1500 سے زیادہ میچ کھیل چکا ہوں۔ ٹینس نے مجھے بہت کچھ دیا ہے جتنا کہ میں نے کبھی خواب میں بھی نہیں دیکھا ہوگا اور مجھے اب یہ تسلیم کرنا چاہیے کہ یہ مسابقتی کیریئر کو الوادع کہنے کا وقت ہے۔ میں یقیناً زیادہ ٹینس کھیلوں گا، لیکن گرینڈ سلیم اور ٹور میں نہیں۔ یہ ایک کڑوا لیکن میٹھا فیصلہ ہے'۔
مزید پڑھیں:Roger Federer Retires ٹینس کے لیجنڈ راجر فیڈرر نے ریٹائرمنٹ کا اعلان کر دیا
