Goodbye get Release Date: رشمیکا مندانا کی فلم 'گڈبائے' کی ریلیز تاریخ کا اعلان

رشمیکا مندانا کی پہلی ہندی فلم 'گڈبائے' کی ریلیز کی تاریخ کا اعلان کردیا گیا ہے۔ وکاس بہل کی ہدایتکاری میں بننے والی اس فلم میں میگا اسٹار امیتابھ بچن مرکزی کردار میں ہیں۔ یہ فلم رواں سال سنیما گھروں میں ریلیز کی جائے گی۔ Goodbye get Release Date

ممبئی (مہاراشٹر): میگا اسٹار امیتابھ بچن اور رشمیکا مندانا کی فلم 'گڈبائے' 7 اکتوبر کو سینما گھروں کی زینت بنے گی، میکرز نے ہفتہ کو اس بات کا اعلان کیا۔ فلم ساز وکاس بہل کی کمپنی گڈ کو کے ساتھ مل کر فلم کر تیار کرنے والی ایکتا آر کپور کی بالاجی موشن پکچرز نے ٹوئٹر پر ایک پوسٹ شیئر کر کے اس کی جانکاری دی۔ Goodbye get Release Date

بالاجی موشن پکچرز نے فلم کا پوسٹر شیئر کرتے ہوئے ٹویٹ کیا کہ 'زندگی، خاندان اور رشتوں کی کہانی کا تجربہ کرنے کے لیے تیار ہوجائیں، گڈبائے 7 اکتوبر 2022 کو آپ کے نزدیکی سنیماگھروں میں ریلیز ہونے والی ہے'۔بہل کی ہدایتکاری میں بننے والی یہ فلم زندگی، رشتوں اور فیملی کے بارے میں دل کو چھو جانے والی کہانی پیش کرے گی۔

فلم کے پوسٹر کو دیکھ کر لگتا ہے کہ گڈبائے میں 'ننیا گپت، پاویل گلاٹی، ایلی ایورام، سنیل گروور اور ساحل مہتا' بھی اہم کرداروں میں ہیں۔

واضح رہے کہ رشمیکا کے پاس کئی ہندی فلمیں ہیں جن میں سلدھارتھ ملہوترا کے ساتھ وہ مشن مجنو، رنبیر کپور کے ساتھ انیمیل، وجے تھالاپتی کے ساتھ واریسو اور الو ارجن کے ساتھ پشپا 2 شامل ہیں۔