مقبول پلے بیک گلوکار کرشنکمار کننتھ کی اچانک موت کی خبر سے پورے ملک میں غم کی لہر دوڑ گئی ہے۔ بھارتی میوزک انڈسٹری سمیت بالی ووڈ کے کئی مشہور شخصیات نے گلوکار کے انتقال کے بعد انہیں دلی خراج عقیدت پیش کی ہے۔ نیشنل ایوارڈ یافتہ گلوکارہ شریا گھوشال سے لے کر موسیقار پرتیم نے اس خبر پر دکھ کا اظہار کیا ہے۔ Bollywood Mourns Demise of KK
شریا نے ٹویٹ کرتے ہوئے لکھا کہ ' میں اس خبر کو سمجھنے کی قاصر نہیں ہوں۔ میں سن ہوں، کیوں کے کے، اسے قبول کرنا بہت مشکل ہے۔ میرے دل کے ٹکڑے ہوگئے ہیں'۔
وہیں بھارتی میوزک انڈسٹری کے ایک اور معروف گلوکار، نغمہ نگار، میوزک کمپوزر وشال ددلانی نے بھی اس واقعے پر غم کا اظہار کی ہے۔ گلوکار نے ٹویٹ کرتے ہوئے لکھا کہ ' آنسو نہیں رک رہے ہیں۔ وہ کیا شخص تھا۔ کیا آوز تھی، کیا دل تھا اور کیا انسان تھا، کے کے ہمیشہ کے لیے ہے'۔
مقبول گلوکار اور پدم شری سونو نگم نے انسٹاگرام پر لکھا کہ ' کے کے میرے بھائی، یہ اچھا نہیں ہوا'۔ واضح رہے کہ فلم شرارت کا نغمہ' مہکی ہواؤں میں' کو کے کے اور سونو نگم دونوں نے گایا تھا۔
مشہور گلوکار موہت چوہان نے کے کے کے انتقال پر دلی خراج عقیدت پیش کیا۔ انہوں نے ٹویٹ کرتے ہوئے لکھا کہ ' کے کے یہ انصاف نہیں ہے۔ یہ تمہارے جانے کا وقت نہیں تھا۔ یہ آخری بار تھا جب ہم ایک ساتھ ایک میوزک دورے کا اعلان کرنے کے لیے اکھٹا ہوئے تھے۔ آپ کیسے جاسکتے ہو؟؟ میں صدمے میں ہوں، غم میں ہوں۔ ایک پیارا دوست اور بھائی چلا گیا۔ روح کو سکون ملے کے کے۔
وہیں موسیقار پریتم نے گلوکار کے لاکھوں مداحوں کے جذبات کو بیان کرتے ہوئے ٹویٹ کیا اور لکھا کہ 'گہرے صدمے میں، ابھی کے کے کے بارے میں سنا، کوئی براہ کرم مجھے بتائے کہ یہ سچ نہیں ہے'۔
اداکار منوج باجپائی نے ٹویٹ کرتے ہوئے لکھا کہ ' یہ دل توڑنے والا ہے۔ ایک شخص کے طور پر بالکل خالص ہیرا، انہیں کئی برسوں سے جانتا ہوں۔ اس نقصان کو پورا کرنے میں کافی وقت لگے گا، ان کے اہل خانہ اور دوستوں کو تعزیت، میرے پاس لفظ نہیں ہے'۔
اجے دیوگن نے بھی تعزیت کا اظہار کرتے ہوئے لکھا کہ ' کے کے کی موت کی خبر بہت بری ہےْ وہ بھی لائیو پرفارمنس کے فورا بعد ، خوفناک ہے۔ انہوں نے ان فلموں میں اپنی آواز دی جن سے میں وابستہ تھا، اس لیے ان کا جانا میرے لیے ذاتی نقصان ہے۔ ان کے اہل خانہ سے تعزیت۔ روح کو سکون ملے'۔
وہیں گلوکار ارمان ملک نے ٹویٹ کرتے ہوئے لکھا کہ ' انتہائی افسوسناک اور توڑنے والی خبر ہے۔ ہم سب کے لیے ایک اور چونکادینے والا نقصان۔ یقین نہیں آتا کہ ہمارے کے کے سر نہیں رہے... جو کچھ ہو رہا ہے، میں اسے مزید برداشت نہیں کر سکتا۔"
سابق کرکٹر وریندر سہواگ نے بھی ٹویٹ کرتے ہوئے لکھا کہ ' کولکاتا میں پرفارم کرتے ہوئے کے کے کے انتقال کے بارے میں سن کر افسوس ہوا۔ یہ ایک بار اور یاد دلاتی ہے کہ زندگی کنتی نازک ہے۔ ان کے اہل خانہ اور دوستوں سے تعزیت۔'
واضح رہے کہ گلوکار کرشن کمار کننتھ عرف کے کے کو منگل کی شام انتقال ہوگیا۔ کولکاتا میں ایک تقریب کے دوران طبعیت خراب ہونے کے بعد دل کا دورہ پڑنے سے موت ہو گئی۔ کے کے کولکاتا کے نذرل منچ میں گروداس کالج کے سالانہ فنکشن میں پرفارم کر رہے تھے۔ اسی دوران ان کی طبعیت خراب ہو گئی۔ اس کے بعد وہ ہوٹل چلے گئے جہاں مداحوں کے درمیان سیلفی لیتے وقت ان کی طبعیت مزید خراب ہوگئی اور انہیں فورا سی ایم آر آئی ہسپتال لے جایا گیا، جہاں ڈاکٹروں نے انہیں مردہ قرار دیا ہے۔ Famous Bollywood Singer KK Died In Kolkata
ہندوستانی فلم انڈسٹری کے سب سے زیادہ ورسٹائل گلوکاروں میں سے ایک کے کے نے ہندی، تمل، تیلگو، کنڑ اور بنگالی سمیت کئی زبانوں میں گانے ریکارڈ کیے ہیں۔
فلم کائٹس کے "زندگی دو پل کی"، فلم اوم شانتی اوم کے "آنکھوں میں تیری"، فلم بچنا اے حسینو کے "خدا جانے"، فلم ہم دل دے چکے صنم کے "تڑپ تڑپ" جیسے گانوں میں کے کے نے اپنی آواز دی ہے۔
