ممبئی: ممبئی جیسے بڑے شہروں میں رہ رہے لوگوں کو ٹریفک جیسے مسائل کا سامنا رہتا ہے، ایسے میں مسافر ٹریفک میں پھنسنے سے بچنے کے لیے میٹرو میں سفر کرنے کا انتخاب کرتے ہیں۔ یہاں تک کہ مشہور شخصیات بھی نقل و حمل کے لیے اپنی لگژری گاڑیوں کے بجائے میٹرو میں سفر کرنا پسند کرتے ہیں۔ منگل کے روز اداکاری سے سیاست کا سفر کرنے والی اداکارہ ہیما مالنی کو بھی ممبئی میٹرو میں سفر کرتے ہوئے دیکھا گیا۔ تجربہ کار اداکارہ کے لیے یہ تجربہ شاندار رہا اور میٹرو کے ذریعہ اپنے گھر واپس لوٹنے کے دوران انہوں نے مداحوں کے ساتھ سیلیفیز بھی لی۔
اپنے سوشل میڈیا اکاؤنٹ پر انہوں نے اپنے میٹرو کے سفر کی ایک جھلک شیئر کی۔ انہوں نے بتایا کہ انہیں کار سے ممبئی کے مضافاتی علاقے دہیسر پہنچنے میں دو گھنٹے لگتے ہیں۔ اس لیے انہوں نے کار کے بجائے میٹرو سے جانے کا فیصلہ کیا اور وہ وقت پر منزل پر پہنچ گئیں۔ انہوں نے اپنی پوسٹ میں لکھا کہ ' مجھے آپ سب کے ساتھ اپنا انوکھا، شاندار تجربہ ضرور شیئر کرنا چاہیے۔ کار کے ذریعے دہیسر پہنچنے کے لیے 2 گھنٹے کا سفر کیا، جو کہ بہت تھکا دینے والا تھا! میں شام میں فیصلہ کیا کہ میں میٹرو سے سفر کروں گی اور او مائی گاڈ! یہ کتنا شاندار تجربہ تھا! سچ میں ، ہم وہاں گئے کنسٹرکشن کے دوران مشکل وقت تھا، لیکن یہ اس کے قابل تھا! یہ صاف ستھرا، تیز تھا اور ڈیڑھ گھنٹے میں جوہو پہنچ گئی'۔