ممبئی: بالی ووڈ کنگ خان شاہ رخ خان نہ صرف اپنی اداکاری بلکہ اپنی شائستگی اور عاجزی کے لیے بھی دنیا بھر میں مشہور ہیں۔ حال ہی میں مصر کی اداکارہ یسریٰ نے سعودی عرب کے جدہ میں منعقدہ ریڈ سی انٹرنیشنل فلم فیسٹیول میں شاہ رخ خان کی پذیرائی کی۔ Egyptian actor Yousra About SRK
مصری اداکار اور گلوکارہ یسریٰ نے بتایا کیا کہ گزشتہ ہفتے سعودی عرب میں ریڈ سی انٹرنیشنل فلم فیسٹیول کی افتتاحی تقریب دوران وہ شاہ رخ خان کے الفاظ سے کتنی متاثر ہوئیں۔ فیسٹیول میں یسریٰ اور شاہ رخ دونوں کو سنمیا میں اپنے غیر معمولی تعاون کے لیے نوازا گیا۔
ایک ٹویٹر صارف کی جانب سے شیئر کی گئی ویڈیو میں شاہ رخ خان کو اسٹیج پر یسری کو 'خوبصورت' اور ' مصر کی ایک لیجنڈ' کہتے ہوئے سنا جا سکتا ہے۔ وہیں حاضرین میں بیٹھی یسریٰ کو کھڑے ہوتے ہوئے دیکھا جاسکتا ہے'۔
وہیں تقریب کے بعد جب اداکارہ نے پریس سے بات کی تو وہ جذباتی ہوگئیں اور انہوں نے بتایا کہ شاہ رخ کے الفاظ نے انہیں کیسا محسوس کروایا ہے۔ اداکارہ عربی میں کہتی ہیں کہ ' میں ان کے الفاظ سے حیران ہوئی۔۔۔' کیونکہ یہ (اعزاز) میرے لیے خاص معنی رکھتا ہے۔ میرا مطلب ہے مجھے دنیا کے کئی مقامات پر اعزاز سے نوازا گیا اور میں اس کے لیے بہت مشکور ہوں۔ لیکن جب شاہ رخ خان نے میرا نام کہا، مجھے بہت خوبصورت انداز میں بیان کیا، اس نے واقعی میرے دل کو چھو لیا۔
انہوں نے مزید کہا کہ 'اگرچہ ہم پہلے بھی دو یا تین بار ایک دوسرے سے مل چکے ہیں... لیکن مجھے امید نہیں تھی کہ وہ میرے بارے میں کچھ کہیں گے... اور ان کے الفاظ میرے لیے اتنے ہی خاص تھے جتنے کہ وہ ہیں۔ انہیں کسی وجہ سے ہی بہت پیار کیا جاتا ہے۔ وہ کتنے ہی بہترین اداکار یا ملٹی ٹیلنٹیڈ ہوں لیکن شاہ رخ خان جیسا کوئی نہیں۔ وہ ایک لاجواب انسان ہیں اور خاص طور پر جب آپ ان کے آس پاس ہو تو آپ یہ محسوس کرسکتے ہیں۔ لہذا میں واقعی ان سے بہت محبت کرتی ہوں۔ میں نہ صرف ان کی صلاحیتوں کی وجہ سے ان سے محبت کرتی ہوں بلکہ وہ جس طرح کے انسان ہیں اس سے محبت کرتی ہوں'۔
تجربہ کار مصری اداکار نے 1979 میں ٹیلی ویژن میں قدم رکھا اور جلد ہی فلموں میں بھی نظر آئیں۔ انہوں نے بطور گلوکار اپنا پہلا البم 2002 میں ریلیز کیا۔ شاہ رخ جنوری 2023 میں سدھارتھ آنند کی فلم پٹھان سے بڑے پردے پر واپس آئیں گے۔ وہ دیپیکا پڈوکون اور جان ابراہم کے ساتھ ایکشن فلم میں جلوہ گر ہوں گے۔
مزید پڑھیں: Red Sea Festival ہالی ووڈ اداکارہ شیرون اسٹون نے شاہ رخ خان کو اپنے قریب دیکھ کر کہا 'او مائی گاڈ'، دیکھیں
