Dhanush's Hollywood Debut: دھنش کی پہلی ہالی ووڈ فلم ’دا گرے مین‘ کی پہلی جھلک منظر عام پر

ساؤتھ فلم انڈسٹری سمیت ہندی فلم انڈسٹری میں اپنی اداکاری کا جوہر دکھانے کے بعد اداکار دھنش ہالی ووڈ میں قدم رکھنے کو تیار ہیں۔ ان کی پہلی ہالی ووڈ فلم 'دا گرے مین' کی پہلی جھلک جاری کردی گئی ہے۔ 38 سالہ اداکار کو فلم میں ایک کار کے اوپر ایکشن کرتے ہوئے دیکھا جاسکتا ہے۔ ایکشن تھرلر سے بھرپور یہ فلم 22 جولائی کو نیٹفلکس پر ریلیز ہونے والی ہے۔ Dhanush's Hollywood Debut

اسٹریمنگ پلیٹ فارم نیٹفلکس نے منگل کے روز نیشنل ایوارڈ یافتہ اداکار دھنش کی پہلی ہالی ووڈ فلم ' دا گرے مین' کی پہلی جھلک شیئر کردی ہے، جس کی ہدایتکاری انتھونی اور جو روسو نے کی ہے۔ دھنش نیٹفلکس کی اس فلم کے کاسٹ کا حصہ ہیں جس میں رین گوسلنگ، کرس ایونس، اینا دے آرمس، ریگے جین پیج، جیسیکا ہینوک، بلی باب تھرونٹن اور واگنر مورا جیسے مشہور ہالی وود اسٹار اداکاری کرنے والےہیں۔ Dhanush's First Look From Hollywood Film The Gray Man

نیٹفلکس انڈیا کے آفیشل ٹویٹر اکاؤنٹ نے فلم کی ایک تصویر شیئر کی ہے جس میں 38 سالہ اداکار کو ایک کار کے اوپر ایکشن کرتے ہوئے دیکھا جاسکتا ہے، ان کے چہرے پر خون نظر آرہا ہے۔ نیٹفلکس نے تصویر شیئر کرتے ہوئے لکھا کہ ' دا گرے مین میں دھنش کی پہلی جھلک یہ رہی اور یہ ویرا ماری ویرا ماری ہے'، Dhanush in The Gray Man

دا گرے مین فلم کی کہانی سال 2009 میں آئی مارک گرینی کے ناول پر مبنی ہے، جو ایک ایکشن تھرلر فلم ہوگی۔ فلم کے میکرز نے فلم سے ایونس، گوسلنگ، ڈی آرمس اور بیچ کی پہلی جھلک شیئر کی ہے۔ انہوں نے اعلان کیا کہ فلم 22 جولائی سے نیٹ فلکس پر نشر ہوگی۔ ایک انٹرویو میں، دھنش نے کہا تھا کہ انہیں دا گرے مین پر کام کرنا پسند آیا ہے۔ انہوں نے روسو برادر کے ساتھ کام کرنے کے تجربے کے بات کرتے ہوئے بتایا تھا کہ انہیں اس دوران کافی کچھ سیکھنے کو ملا۔ دھنش آخری بار 2022 کی تمل ایکشن فلم مارن میں نظر آئے تھے۔