Nora Fatehi in 200 Crore Extrortion Case: منی لانڈرنگ معاملے میں دہلی پولیس نے نورا فتحی سے پوچھ گچھ کی

سکیش چندر شیکھر منی لانڈرنگ معاملے میں اداکارہ نورا فتحی سے دہلی پولیس کے اقتصادی جرائم ونگ Economic Offences Wing نے سات گھنٹے تک پوچھ گچھ کی۔ Nora Fatehi in 200 Crore Extortion Case

دہلی پولیس کے اقتصادی جرائم ونگ Economic Offences Wing نے جمعہ کو اداکار نورا فتحی سے سکیش چندر شیکھر کیس کے سلسلے میں پوچھ گچھ کی۔ پولیس نے نورا سے تقریبا 7 گھنٹے تک پوچھ گچھ کی۔Nora Fatehi in 200 Crore Extrortion Case

دہلی کے مندر مارگ میں واقع اقتصادی جرائم ونگ کے دفتر میں اداکارہ سے سکیش چندر شیکھر کے خلاف دائر 200 کروڑ روپے کے منی لانڈرنگ معاملے میں تقریباً سات گھنٹے تک پوچھ گچھ کی۔ سکیش پر فورٹس ہیلتھ کیئر کے سابق پروموٹر شویندر سنگھ کی اہلیہ کے ساتھ 200 کروڑ روپے کی دھوکہ دہی کا الزام ہے۔

پولیس نے نورا فتحی کو گزشتہ ہفتے سمن جاری کیا تھا اور وہ جمعہ کی صبح اپنا بیان ریکارڈ کرانے کے لیے تفتیشی افسر کے سامنے پیش ہوئیں۔ ایک افسر نے بتایا کہ 'وہ صبح تقریباً 11 بجے آئی اور 6 بجے کے قریب دفتر سے نکل گئی۔ انہوں نے اپنا بیان درج کرایا۔ پولیس نے ان سے سکیش کی طرف سے پیش کیے گئے تحائف کے بارے میں بھی پوچھ گچھ کی'۔

واضح رہے کہ گزشتہ سال دہلی پولیس نے سکیش، اس کی بیوی لینا ماریا پال اور 12 دیگر کے خلاف چارج شیٹ داخل کی تھی۔ جس میں الزام لگایا گیا کہ وہ روہنی جیل میں زیر سماعت تھے اور انہوں نے شویندر سنگھ کی بیوی سے ایک سال کے عرصے کے دوران 200 کروڑ روپے ٹھگ لیے۔ پولیس نے اس کے خلاف مہاراشٹر کنٹرول آف آرگنائزڈ کرائم ایکٹ (MCOCA) بھی لگایا تھا۔ ایک سینئر پولیس افسر نے بتایا کہ 'تفتیشی افسر نے ایک ضمنی چارج شیٹ تیار کرنا شروع کر دیا ہے اور سکیش کے ساتھ شامل تمام افراد کے بیانات درج کرنا شروع کر دیے ہیں'۔

خیال رہے کہ اس سے قبل بھی نورا فتحی کو انفورسمنٹ ڈائریکٹوریٹ (ای ڈی) نے طلب کیا تھا اور انہوں نے سکیش اور اس کی بیوی لینا کے خلاف درج مقدمے کے سلسلے میں منی لانڈرنگ ایکٹ (پی ایم ایل اے) کی دفعات کے تحت اداکارہ کا بیان ریکارڈ کرایا تھا۔

آپ کو بتادیں کہ گزشتہ ہفتے دہلی پولیس نے بالی ووڈ اداکارہ جیکلین فرنانڈیز کو بھی طلب کیا تھا اور ان سے 12 ستمبر کو تفتیش میں شامل ہونے کو کہا تھا۔17 اگست کو ای ڈی نے ایک ضمنی چارج شیٹ داخل کی اور بتایا کہ سکیش نے جیکلین کو بھی 5.71 کروڑ روپے کے تحائف دیے تھے لیکن اداکارہ نے اس دوران یہ ثابت کرنے کی کوشش کی کہ وہ خود سکیش کی ٹھگی کا شکار رہی ہیں۔

بالی ووڈ اداکارہ جیکلین فرنانڈیز نے پی ایم ایل اے کی اپیل اتھارٹی کے سامنے ایک درخواست میں واضح طور پر کہا تھا کہ یہ حیرت کی بات ہے کہ ان کی طرح دیگر مشہور شخصیات خاص طور پر نورا فتحی کو بھی 200 کروڑ روپے کے منی لانڈرنگ معاملے میں مرکزی ملزم سکیش چندر شیکھر کے ذریعہ دھوکہ دہی کا سامنا کرنا پڑا۔

انہوں نے اپنی درخواست میں مزید لکھا کہ انہیں اور دیگر مشہور شخصیات، جنہیں ملزم سکیش چندر شیکھر سے تحائف وصول ہوئے ہیں، کو گواہ بنایا جاتا لیکن انہیں اس معاملے میں ملزم کے طور پر دکھانے کی کوشش کی گئی ہے۔ انہوں نے مزید لکھا کہ ' فکسڈ ڈپازٹس جسے غیر قانونی رقم بتایا جارہا ہے اس کا جرم سے کوئی تعلق نہیں ہے اور نہ ہی فکسڈ ڈپازٹ میں غیرقانونی طور سے کمائی گئی رقم کا استعمال کیا جاتا ہے۔ یہ فکسڈ ڈپازٹ میں اداکارہ کی جائز کمائی کو ہی لگایا ہے اور یہ تب سے ہے جب چندرشیکھر ان کے رابطے میں آئے بھی نہیں تھے۔

وہیں بالی ووڈ اداکارہ جیکلین فرنانڈیز کے خلاف داخل کی گئی چارج شیٹ میں واضح طور پر کہا گیا ہے کہ 'اداکارہ کو چندر شیکھر کے غیرقانونی کاموں کے بارے میں علم تھا لیکن ان سب کے باوجود وہ شیکھر کے ساتھ مالی لین دین کرتی رہیں'۔چارج شیٹ میں یہ بھی کہا گیا کہ نہ صرف اداکارہ نے بلکہ ان کے خاندان کے افراد اور دوستوں نے بھی اس رشتے سے مالی طور پر فائدہ اٹھایا ہے۔ ای ڈی نے یہ بھی نتیجہ اخذ کیا کہ پیسے کے لالچ کی وجہ سے اداکارہ نے اس شخص کی مجرمانہ تاریخ کو نظر انداز کیا۔

پٹیالہ ہاؤس کورٹ میں داخل کردہ ضمنی چارج شیٹ میں فرنانڈیز کو ملزم بتایا گیا ہے ہے۔ جس کے بعد عدالت نے چارج شیٹ کا نوٹس لیتے ہوئے اداکارہ کو سکیش سے منسلک کروڑوں روپے کے منی لانڈرنگ کیس میں 26 ستمبر کو عدالت کے سامنے حاضر ہونے کے لیے سمن جاری کیا۔

وہیں دہلی کی ایک عدالت نے سکیش چندر شیکھر اور اداکارہ لینا ماریا پال کو 200 کروڑ روپے کے منی لانڈرنگ معاملے میں تین دن کے ای ڈی ریمانڈ پر بھیج دیا ہے۔ انہیں پریوینشن آف منی لانڈرنگ ایکٹ (PMLA) کے تحت گرفتار کیا گیا تھا۔