Deepika Padukone in Hyderabad: دیپیکا پڈوکون اپنی آئندہ فلم کے لیے حیدرآباد پہنچیں، راموجی فلم سٹی میں ہوگی شوٹنگ

دیپیکا پڈوکون اپنی آئندہ فلم 'پروجیکٹ کے' کی شوٹنگ کے لیے حیدرآباد پہنچی ہیں۔ تیلگو فلم مہانتی کے فلمساز ناگ اشون کی اس فلم میں دیپیکا اداکار پربھاس کے مقابل نظر آنے والی ہیں۔ Deepika Padukone in Hyderabad

سپر اسٹار دیپیکا پڈوکون ناگ اشون کی آئندہ فلم 'پروجیکٹ کے' کے دوسرے شیڈول کی شوٹنگ کے لیے حیدرآباد پہنچ گئی ہیں جس میں امیتابھ بچن اور پربھاس اہم کردار میں نظر آنے والے ہیں۔ دیپیکا کو پیر کی رات کو ممبئی ہوائی اڈے پر حیدرآباد کے لیے روانہ ہوتے ہوئے دیکھا گیا۔ اس دوران اداکارہ نے ڈینم جینز پہن رکھا تھا۔ 'پروجیکٹ کے' کے عنوان سے بن رہی یہ فلم ایک پین انڈیا پروجیکٹ ہے۔ Deepika Padukone's Next Project K

فلم کے ایک بڑے حصے کی شوٹنگ خصوصی سیٹس میں کی جائے گی جو حیدرآباد کے مشہور راموجی فلم سٹی میں تیار کیا گیا ہے۔ دیپیکا پڈوکون راموجی فلم سٹی میں تعمیر کیے گئے بڑے سیٹ پر کثیر لسانی ٹیم کے ساتھ شوٹنگ کرنے والی ہے۔ یہ فلم ایک سائنس فکشن فلم ہے، جسے اب تک کی سب سے مہنگی ترین بھارتی فلموں میں سے ایک سمجھا جارہا ہے۔ امید کی جارہی ہے کہ اس شیڈول میں دیپیکا اور پربھاس پر فلمائے جانے والے اہم سین کو شوٹ کیا جائے گا۔ Deepika to Star Opposite Prabhas in Project K

اس سائنس فکشن فلم کے ذریعہ مداحوں کو پہلی بار دیپیکا اور پربھاس کے جوڑی ایک ساتھ بڑے پردے پر دکھائی دے گی۔ یہ ایک بڑی بجٹ والی فلم ہوگی ۔ پروجیکٹ کے میں میگا اسٹار امیتابھ بچن ایک اہم کردار میں نظر آنے والے ہیں۔ مشہور تیلگو پروڈیوسر سی اشوینی دت اس میگا پروجیکٹ کو پروڈیوس کرنے والے ہیں، امید ہے کہ فلم سال 2023 میں سینما گھروں میں دستک دے گی ۔ شوجیت سرکار کی فلم پیکو کے بعد دیپیکا بعد دوسری بار بگ بی کے ساتھ نظر آنے والی ہیں۔ Project K Shooting Start in Hyderabad