Lady Gaga in Joker sequel: سال 2019 کی بہترین فلم جوکر کے سیکوئل میں لیڈی گاگا کی انٹری

امریکی گلوکارہ، نغمہ نگار اور اداکارہ لیڈی گاگا نے اپنے سوشل میڈیا اکاؤنٹ پر میوزیکل ٹیزر پوسٹ کرکے فلم 'جوکر' کے سیکوئل کے کاسٹ میں شامل ہونے کی تصدیق کردی ہے۔ گاگا کے ہارلے کوئن کے کردار میں نظر آنے کی خبریں اس وقت سے گردش کر رہی ہیں جب سے فلپس نے جون میں اس بات کی تصدیق کی تھی کہ وہ جوکئین فنکس کے ساتھ مل کر سیکوئل پر کام کر رہے ہیں۔Lady Gaga in Joker sequel

لاس اینجلس (امریکہ): گلوکارہ اور اداکارہ لیڈی گاگا نے تصدیق کی ہے کہ وہ آنے والی فلم جوکر: فولی اے ڈیوکس میں جوکئین فینکس کے ساتھ جلوہ گر ہوں گی۔ یہ فلم 2019 کے ٹوڈ فلپس کی ہدایت کاری میں بننے والی اینٹی ہیرو فلم 'جوکر' کا سیکوئل ہے۔ گاگا نے اپنے انسٹاگرام پیج پر ایک ٹیزر پوسٹ کرتے ہوئے وارنر بروس پروجیکٹ میں شامل ہونے کا اعلان کیا ہے۔Lady Gaga in Joker sequel

جون میں ورائٹی کی طرف سے یہ اطلاع دی گئی تھی کہ گاگا جوکر کے سیکوئل میں ہارلے کوئن کے کردار میں نظر آسکتی ہیں، کیونکہ یہ ایک میوزیکل فلم ہونے والی ہے۔ 7 جون کو ڈائریکٹر ٹوڈ فلپس نے انسٹاگرام پر فلم کے اسکرین پلے کا سرورق پوسٹ کیا اور فلم کے ٹائٹل 'فولی اے ڈیوکس' کا انکشاف کیا۔

گاگا کے ذریعہ شیئر کردہ ویڈیو کلپ میں گاگا کا نام نظر آرہا ہے۔ حالانکہ ٹیزر اس بات کی تصدیق نہیں کرتا ہے کہ گاگا ہارلی کا کردار ادا کریں گی۔

ڈارک اینڈ گریٹ جوکر کے برعکس، اس فلم کے سیکوئل کو میوزیکل کے طور پر بنایا جا رہا ہے۔ فینکس نے جوکر عرف آرتھر فلیک کا کردار ادا کرکے بہترین اداکار کا آسکر ایوارڈ اپنے نام کیا تھا، جو ڈی سی کامکس کی سب سے مشہور کرداروں میں سے ایک ہے۔ فی الحال سیکوئل کی کہانی کے بارے میں کچھ معلوم نہیں ہوپایا ہے۔ فلپس، اسکاٹ سلور کے ساتھ مل کر اسکرین پلے لکھ رہے ہیں۔

سال 2019 میں آئی فلم جوکر نے باکس آفس پر کمال کردیا تھا۔ اس فلم نے دنیا بھر میں ایک بلین سے زائد امریکی ڈالر کما کر تاریخ رقم کردی تھی۔ اس فلم نے وینس فلم فیسٹیول میں گولڈن لائن جیتا اور بہترین فلم اور ہدایت کار سمیت 11 اکیڈمی ایوارڈ نامزدگی حاصل کی۔ فلم میں بہترین اداکاری کے لیے فینکس نے آسکر جیتا۔

واضح رہے کہ جوکر: فولی اے ڈیوکس 4 اکتوبر 2024 کو سینما گھروں میں ریلیز ہوگی۔