Rohan Joshi Apologises: راجو سریواستو کی موت پر نازیبا تبصرہ کرنے پر روہن جوشی نے معافی مانگی

راجو سریواستو کی موت پر نازیبا تبصرہ کیے جانے پر کامیڈین روہن جوشی کو انٹرنیٹ پر کافی ٹرول کیا گیا، جس کے بعد روہن نے اپنی وضاحت پیش کرتے ہوئے معافی مانگ لی ہے اور وہ پوسٹ بھی ڈیلیٹ کردیا ہے۔Rohan Joshi Apologises

حیدرآباد: مشہور کامیڈین راجو سریواستو نے گزشتہ روز دہلی کے ایمس میں آخری سانس لی اور آج دہلی کے نگم بودھ گھاٹ پر کامیڈین کی آخری رسومات ادا کی گئی۔ بدھ کے روز ان کے انتقال کے بعد زندگی کے ہر شعبہ سے تعلق رکھنے والے افراد نے انہیں یاد کرتے ہوئے خراج عیقدت پیش کی۔ اس درمیان راجو کی موت پر سامنے آئے کامیڈین روہن جوشی کے تبصرے کو سوشل میڈیا صارفین نے غیر مناسب اور غیرحساس قرار دیا۔Rohan Joshi Apologises

دراصل کامیڈین اتل کھتری نے بھی سوشل میڈیا پر راجو سریواستو کو یاد کرتے ہوئے ایک نوٹ شیئر کیا تھا۔ اتل کے اس پوسٹ پر مشہور کامیڈی گروپ اے آئی بی کے روہن جوشی نے ردعمل ظاہر کرتے ہوئے ایک تبصرہ لکھا، جسے بہت سے لوگوں نے نامناسب سمجھا۔ اتل نے اپنے پوسٹ لکھا تھا کہ 'راجو سریواستو کی موت انڈسٹری کے لیے ناتلافی نقصان ہے، جس پر روہن نے جواب دیتے ہوئے لکھا کہ ' ہم نے کچھ نہیں کھویا ہے'۔ حالانکہ بعد میں کچھ سوشل میڈیا صارفین کی جانب سے ٹرول کیے جانے کے بعد روہن نے اپنا یہ تبصرہ ہٹا لیا۔Rohan Joshi on Raju Srivastava Death

روہن جوشی نے اپنے تبصرے میں لکھا تھا کہ ' ہم نے کچھ نہیں کھویا ہے۔ چاہے خبروں میں کامرا(کنال کامرا) کی بات ہو، یا کوئی روسٹ ہو یا کوئی بھی مزاحیہ پروگرام کا ذکر ہو، راجو سریواستو نے نئے طرح کے اسٹینڈ اپ کامیڈی کی شروعات ہونے کے بعد سے اس نئے مزاحیہ نگاری کے خلاف بولنے کا کوئی بھی موقع نہیں گنوایا ہے ۔

روہن جوشی مزید لکھتے ہیں کہ ' انہیں جس بھی نیوز چینل میں بلایا گیا وہ گئے اور وہاں جاکر انہوں نے بھارت میں ابھر رہے نئے آرٹ فارم کے خلاف بہت کچھ بولا اور اسے ناگوار کہا کیونکہ یہ چیزیں ان کی سمجھ کے باہر کی تھیں۔ انہوں نے شاید کچھ اچھے لطیفے سنائے ہوں گے لیکن انہیں کامیڈی کے روح کے بارے میں کوئی سمجھ نہیں تھی۔ اچھا ہوا ان سے نجات ملی'۔

اب جب روہن کی یہ پوسٹ سوشل میڈیا پر پھیلی تو انہوں نے انٹرنیٹ پر ٹرول کیے جانے کے بعد معافی مانگ لی اور لکھا کہ ' میں نے یہ پوسٹ یہ سوچ کر ڈیلیٹ کردیا کیونکہ ایک منٹ کے غصے کے بعد مجھے احساس ہوا کہ آج ذاتی جذبات کو ظاہر کرنے کا دن نہیں ہے۔ معذرت اگر میں نے آپ کو تکلیف پہنچائی ہو اور یہ نظریہ دکھانے کے لیے شکریہ'۔

خیال رہے کہ کامیڈین راجو سریواستو گزشتہ ایک ماہ سے دل کا دورہ پڑنے کے بعد ہسپتال میں زیر علاج تھے اور اپنی زندگی کی جنگ لڑ رہے تھے۔ انہیں 10 اگست کو ورزش کے دوران دل کا دورہ پڑا تھا۔ ہسپتال کے ذرائع کے مطابق ان کا انتقال صبح 10:20 میں ہوا۔