حیدرآباد:فلم آر آر آر کا بخار جنوبی کوریا کے پاپ گلوکار جنگ کوک کے بھی سر پر چڑھ گیا ہے۔ جمعرات کے روز جنوبی کوریا کے پاپ گلوکار جنگ کوک کو اپنے ویورس لائیو سیشن کے دوران ناٹو ناٹو پر جھومتے دیکھا گیا۔ بھارتی شائقین یہ دیکھ کر خوش ہیں کہ آل بوائز بینڈ بی ٹی ایس کے سب سے کم عمر گلوکار چارٹ بسٹر فلم آر آر آر کے مقبول گانا ناٹو ناٹو کو پسند کر رہے ہیں۔ بھارتی نغموں اور ثقافت سے ان کی محبت نے بھارت میں ان کی مقبولیت میں مزید اضافہ کردیا ہے۔BTS' Jungkook vibes to Naat Naatu
جنوبی کوریا کے مشہور گلوکاروں میں سے ایک کو ناٹو ناٹو پر جھومتے ہوئے دیکھنا اس بات کا ثبوت کا ہے اس گانے نے واقعی عالمی سطح پر ایک ایسا مقام حاصل کیا ہے، جو شاید ہی کسی گانے کو حاصل ہوا ہو۔ لوئیو سیشن کے دوران جنگ کوک نے اپنے مداحوں سے پوچھا کہ 'کیا آپ اس گانے کو جانتے ہیں'؟
بی ٹی ایس گلوکار نے پھر کہا کہ انہوں نے حال ہی میں فلم آر آر آر دیکھی ہے اور یہ گانا بہت مزہ دار ہے۔ آر آر آر کی ٹیم نے بھی پاپ گلوکار کی آن لائن پوسٹ کی گئی ویڈیو پر رد عمل ظاہر کیا اور اس ویڈیو کو اپنے آفیشل انسٹاگرام ہینڈل پر شیئر کیا۔ انہوں نے اس پوسٹ کے کیپشن میں لکھا کہ 'جنگ کوک۔۔ یہ جان کر خوشی ہوئی کہ آپ کو ناٹو ناٹو بہت پسند آیا ہے۔ ہم آپ کو، بی ٹی ایس ٹیم اور پورے جنوبی کوریا کو ڈھیروں پیار بھیج رہے ہیں'۔