Brahmastra Box Office Collection Day 1 رنبیر اور عالیہ کی فلم برہمسترا کی پہلے دن کی کمائی نے آر آر آر کو پیچھے چھوڑ دیا

رنبیر کپور اور عالیہ بھٹ کی اداکاری والی فلم برہمسترا فلم ناقدین کو تو زیادہ پسند نہیں آئی لیکن باکس آفس پر فلم کی پہلے دن کی کمائی توقعات پر کھڑی اتری ہے۔ فلم نے آر آر آر کی پہلے دن کی کمائی اور رنبیر کپور کی اب تک کی پہلے دن سب سے زیادہ کمائی کرنے والی فلم کو پیچھے چھوڑ دیا ہے۔ واضح رہے کہ سنجو کی پہلے دن کی کمائی 34.75 کروڑ رہی تھی۔ Brahmastra box office collection Day 1

حیدرآباد (تلنگانہ): فلمساز ایان مکھرجی کی ہدایتکاری والی فلم برہمسترا 9 ستمبر کو بڑے پردے پر ریلیز ہوچکی ہے۔ رنبیر کپور اور عالیہ بھٹ کی اداکاری سے سجی فلم نے باکس آفس پر زبردست آغاز کیا ہے۔ چھٹی والا دن نہیں ہونے کے باوجود برہمسترا نے تقریباً 35 سے 36 کروڑ کی کمائی کرتے ہوئے آر آر آر کے پہلے دن کی کمائی کا ریکارڈ توڑ دیا ہے۔ Brahmastra box office collection Day 1

رنبیر اور عالیہ کی فلم برہمسترا کی پہلے دن کی کمائی نے آر آر آر کو پیچھے چھوڑ دیا

برہمسترا کو فلمی ناقدین کی جانب سے زیادہ پذیرائی نہیں ملی لیکن فلم کے حوالے سے لوگوں میں پائے گئے تجسس نے یقیناً ریلیز کے پہلے دن باکس آفس پر کمال کردیا ہے۔ فلم کو دنیا بھر کے 8 ہزار 913 اسکرین پر ریلیز کیا گیا ہے۔ اسے بھارت میں 5 ہزار 19 اور بیرون ممالک کے 3 ہزار 894 اسکرینوں پر ریلیز کیا گیا ہے۔ فلم نے پہلے دن 36.50 سے 38.50 کروڑ کی کمائی کی ہے۔

تجارتی ویب سائٹ BoxOfficeIndia.com نے برہمسترا کے پہلے دن کی کمائی کا اعداد و شمار شیئر کیا ہے۔ جس کے مطابق فلم نے افتتاحی دن تقریباً 35-36 کروڑ روپے کی کمائی کی ہے۔ فلم نے رنبیر کی اب تک کی سب سے زیادہ اوپننگ کرنے والی فلم سنجو کو بھی پیچھے چھوڑ دیا ہے جس نے پہلے دن 34.75 کروڑ کی کمائی کی تھی۔

یوں تو برہمسترا کی پہلے دن کی کمائی زبردست لگ رہی ہے لیکن ناقدین کا ماننا ہے کہ فلم میں کہانی کی کمی ہے۔ اس لحاظ سے فلم کے لیے یہ ہفتہ اہم ہونے والا ہے کیونکہ فلمی ناقدین کے تجزیے اچھے نہیں ہیں۔ 410 کروڑ روپے کے بجٹ سے بنی برہمسترا ہندی سنیما کی اب تک کی سب سے مہنگی فلم ہے۔ اس سے قبل یہ ریکارڈ ٹھگس آف ہندوستان کے نام تھا جسے یش راج فلمز نے 310 کروڑ روپے کے شاندار بجٹ سے تیار کیا تھا۔

برہمسترا کو سوشل میڈیا پر بھی تنقید کا سامنا کرنا پڑا۔ لال سنگھ چڈھا، لائیگر، اور رکشا بندھن جیسی فلموں کے بائیکاٹ کے بعد رنبیر اور عالیہ کی فلم برہمسترا کو ریلیز سے پہلے ہی ٹرول اور بائیکاٹ کا سامنا کرنا پڑا تھا۔ برہمسترا پارٹ ون: شیوا اسٹار اسٹوڈیوز، دھرما پروڈکشنز، پرائم فوکس اور اسٹار لائٹ پکچرز کی مشترکہ پروڈکشن ہے۔