Besharam Rang Song Release Date فلم پٹھان کا پہلا نغمہ 'بے شرم رنگ' کب ریلیز ہوگا، شاہ رخ خان نے دی جانکاری

شاہ رخ خان نے ایک پوسٹ میں بتایا ہے کہ فلم پٹھان کا پہلا نغمہ 'بے شرم رنگ' کب ریلیز ہوگا۔ اس گانے میں دیپیکا پڈوکون نظر آئیں گی۔Besharam Rang Song Release Date

حیدرآباد: 'کنگ خان' کے کروڑوں مداح ان کی چار سال بعد بڑے پردے آنے والی پہلی فلم 'پٹھان' کا انتظار کر رہے ہیں لیکن اس سے قبل شاہ رخ نے اپنے مداحوں کو بڑا تحفہ پیش کر دیا ہے۔ شاہ رخ، دیپیکا پڈوکون اور جان ابراہم جیسے بڑے ستاروں سے سجی اس فلم 'پٹھان' کا پہلا گانا 'بے شرم رنگ' ریلیز ہونے جا رہا ہے۔ شاہ رخ نے خود ایک پوسٹ کے ذریعے یہ جانکاری دی ہے۔ شاہ رخ نے اپنی پوسٹ میں بتایا ہے کہ یہ گانا کب اور کس وقت ریلیز ہوگا۔ اس گانے کو مشہور میوزک کمپوزر جوڑی وشال شیکھر نے کمپوز کیا ہے۔Besharam Rang Song Release Date

گانا کب اور کس وقت ریلیز ہوگا؟شاہ رخ خان اور دیپیکا پڈوکون اسٹارر فلم 'پٹھان' کا پہلا رومانٹک گانا 'بے شرم رنگ' کب اور کس وقت ریلیز ہوگا، اس کی جانکاری شاہ رخ خان نے اپنی پوسٹ میں دی ہے۔ یہ گانا 12 دسمبر کو صبح 11 بجے ریلیز کیا جائے گا۔ اس گانے میں دیپیکا پڈوکون کا بے باک انداز دیکھنے کو ملے گا۔ کیونکہ شاہ رخ خان کی جانب سے شیئر کی گئی تصویر میں دیپیکا پڈوکون کریم رنگ کی سوئم سوٹ میں خوبصورت نظر آرہی ہیں۔ پوسٹر سے لگتا ہے کہ یہ گانا مداحوں میں مقبول ہونے والا ہے۔

'پٹھان' کب ریلیز ہوگی؟شاہ رخ خان چار سال بعد اپنی فلم میں بطور اداکار نظر آنے والے ہیں۔ شاہ رخ آخری بار فلم 'زیرو' (2018) میں نظر آئے تھے۔ یہ فلم باکس آفس پر فلاپ ثابت ہوئی تھی اور اس کے بعد شاہ رخ نے ایک طویل وقفہ لیا۔ اب شاہ رخ خان مضبوط کردار کے ساتھ فلم 'پٹھان' سے بڑے پردے پر واپسی کرنے کے لیے تیار ہیں۔ یہ فلم 25 جنوری 2023 کو یوم جمہوریہ کے موقع پر دنیا بھر کے سینما گھروں میں ریلیز ہونے جا رہی ہے۔ یہ فلم یش راج بینر تلے بنائی گئی ہے اور فلم کے ہدایت کار سدھارتھ آنند ہیں۔