پاکستانی نژاد امریکی گلوکارہ عروج آفتاب موسیقی کی دنیا کے سب سے اعلی ترین ایوارڈ گریمی کو جیتنے والی پہلی پاکستانی اسٹار بن گئی ہیں۔ عروج کو اپنے گانے ’محبت‘ کے لیے بہترین گلوبل میوزک پرفارمنس کا گریمی ایوارڈ دیا گیا ہے۔ Arooj Aftab First Paksitani to Win Grammy۔ گلوکارہ نے انسٹاگرام پر اپنی اس خوشی کو مداحوں کے ساتھ شیئر بھی کیا۔ انہوں نے تصویر شیئر کرتے ہوئے لکھا کہ ' اور پہلی پاکستانی خاتون گریمی فاتح ہیں… عروج آفتاب! گریمی ایوارڈ جیتنے کے بعد گلوکارہ نے کہا کہ' مجھے لگتا ہے کہ میں بےہوش ہوجاؤں گی۔ واؤ، بہت شکریہ۔ Pakistani Singer Arooj Aftab۔ واضح رہے کہ عروج آفتاب کو اسی غزل کے لیے ایوارڈ سے نوازا گیا ہے، جس غزل کو امریکی صدر براک اوبامہ نے بھی اپنی پسندیدہ گانوں میں شمار کیا تھا۔ Arooj Aftab's Mohabbat
عروج کو گریمی ایوارڈز کے دو زمرے کے لیے نامزد کیا گیا تھا۔ گلوگارہ کو بہترین گلوبل میوزک پرفارمنس کے علاوہ بہترین نئے فن کار کی کیٹگری میں بھی نامزد کیا گیا تھا، لیکن اس کا ایوارڈ گلوکار اولیویا روڈرگو نے جیتا ہے۔ عروج 2005 میں برکلی کالج آف میوزک میں موسیقی کی تعلیم حاصل کرنے کے لیے امریکہ چلی گئیں۔ انہوں نے اپنا پہلا البم برڈ انڈر واٹر 2014 میں ریلیز کیا۔ تقریبا 15 سال سے نیویارک میں مقیم 37 سالہ گلوکارہ اپنے سنگیت اور موسیقی کے لیے مسلسل عالمی توجہ حاصل کر رہی ہے۔ عروج کی موسیقی کی خاص بات یہ ہے کہ ان کے گیتوں میں صوفی سنگیت کے ساتھ لوک اور جیز کا خوبصورت تال میل سننے کو ملتا ہے۔