Anushka Sharma on Puma:انوشکا شرما کی پوما پر تنقید ایک تشہیری مقصد، جلد ہوں گی برانڈ کا نیا چہرہ

پیر کے روز اداکارہ انوشکا شرما نے مشہور برانڈ پوما کو اجازت کے بغیر ان کی تصاویر استعال کرنے پر تنقید کا نشانہ بنایا تھا۔ اب جانکاری ملی ہے کہ اداکارہ جلد ہی اسپورٹس برانڈ کا نیا چہرہ بننے والی ہیں۔Anushka Sharma on Puma

ممبئی: اداکارہ انوشکا شرما نے پیر کو اجازت کے بغیر ان کی تصاویر استعمال کرنے پر مشہور برانڈ پوما کو تنقید کا نشانہ بنایا تھا۔ انسٹاگرام اسٹوری پر انوشکا نے پوما پر تنقید کرتےہوئے اپنی ایک تصویر پوسٹ کی تھی۔ چند گھنٹوں بعد اداکارہ اور برانڈ نے سوشل میڈیا پر اعلان کیا کہ دراصل وہ پوسٹ ایک مذاق تھا اور اب اداکارہ بھی مشہور برانڈ پوما کا حصہ بننے جارہی ہیں۔Anushka Sharma on Puma

اس سے قبل انوشکا نے اس برانڈ کو تنقید کا نشانہ بنایا تھا اور کہا تھا کہ برانڈ نے ان کی اجازت کے بغیر ان کی تصاویر کا استعمال کیا ہے۔ واضح رہے کہ برانڈ نے 'اینڈ آف سیزن سیل' کی تشہیر کرتے ہوئے انوشکا کی تصاویر کا استعمال کیا تھا۔اب جانکاری ملی ہے کہ اداکارہ جلد ہی اس اسپورٹس برانڈ کے ساتھ وابستہ ہونے والی ہیں۔

انوشکا شرما کی پوما پر تنقید ایک تشہیری مقصد، جلد ہوں گی برانڈ کا نیا چہرہ

اب پوما انڈیا نے ایک دستاویز کی تصویر شیئر کی جس پر 'پوما ایکس انوشکا' لکھا ہوا ہے، جس سے ظاہر ہوتا ہے کہ دونوں جلد ہی ایک ساتھ کام کرنے والے ہیں۔ برانڈ نے یہ پوسٹ کے کیپشن میں لکھا کہ ' انوشکا شرما ہمیں پہلے ہی آپ سے رابطہ کرنا تھا، تو کیا اب ہم اسے ایک نئی اونچائیوں پر لے جائیں'۔

دلچسپ بات یہ ہے کہ انوشکا کے شوہر وراٹ کوہلی پوما کے برانڈ ایمبیسیڈر ہیں اور اسی طرح کرینہ کپور خان بھی ہیں جو سوشل میڈیا پر اکثر پوما کی تشہیر کرتی نظر آجاتی ہیں۔ اب یہ دیکھنا دلچسپ ہوگا کہ انوشکا، کرینہ کی جگہ برانڈ ایمبیسیڈر بنتی ہیں یا پھر وہ بیبو اور وراٹ کے ساتھ مل کر پوما کا ایک نیا چہرہ بنتی ہیں۔

واضح رہے کہ انوشکا نے حال ہی میں کلا میں اپنے کیمیو سے سب کو حیران کر دیا تھا۔ فلم میں ان کی موجودگی کو انتہائی خفیہ رکھا گیا تھا۔ انوشکا کے بھائی، کرنیش شرما کے پروڈکشن ہاؤس کلین سلیٹ فلمز کے تعاون سے بننے والی اس فلم میں ترپتی ڈمری، سواستیکا مکھرجی اور بابل خان شامل ہیں۔ وہیں انوشکا کی آئندہ فلم چکڑا ایکسپریس ہونے والی ہے جس میں وہ مشہور بھارتی تیز گیند باز جھولن گوسوامی کا کردار ادا کرتی نظر آئیں گی۔