Celebs Spotted at Mumbai Airport: انوشکا، وراٹ کوہلی اور اتھیا شیٹی اور کے ایل راہل ویلنٹائن ڈے کے دن کہاں روانہ ہوئے؟

انوشکا شرما اور ان کے کرکٹر شوہر وراٹ کوہلی کو ویلنٹائن ڈے پر ممبئی ایئرپورٹ پر دیکھا گیا۔ وہیں نئی شادی شدہ جوڑی اتھیا شیٹی اور کے ایل راہل کو بھی ہوائی اڈے پر دیکھا گیا۔ ان جوڑیوں کے ہوائی اڈے پر نظر آنے کے بعد مداحوں میں یہ جاننے کی تجسس پیدا ہوگئی ہے کہ کیا یہ جوڑی ویلنٹائن کے لیے کہیں چھٹیاں گزارنے جارہی ہے یا کرکٹ کھلاڑی ہاردک پانڈیا اور نتاشہ کی دوبارہ شادی کے لیے ادے پور جا رہی ہے۔

حیدرآباد: نئی شادی شادی شدہ جوڑی اتھیا شیٹی اور کے ایل راہل شادی کے بعد اپنا پہلا ویلنٹائن ڈے منا رہے ہیں۔ اس دلکش جوڑی کو آج ممبئی ایئرپورٹ پر دیکھا گیا۔ وہیں ممبئی ایئرپورٹ پر انوشکا شرما اور وراٹ کوہلی بھی نظر آئے۔ بالی ووڈ حسیناؤں کے اپنے کرکٹر شوہر کے ساتھ ممبئی ائیرپورٹ پر نظر آنے کے بعد سوشل میڈیا پر یہ بحث شروع ہوگئی کہ یہ جوڑا ویلنٹائن ڈے منانے جارہا ہے یا کرکٹر ہاردک پانڈیا کی شادی میں شرکت کرنے کے لیے جارہا ہے۔ انوشکا اور وراٹ کو آج صبح ہوائی اڈے پر پاپرازی کے سامنے تصویریں کھینچاتے ہوئے دیکھا گیا۔

یہ جوڑی اکثر اپنے کام سے وقت نکالنے کے بعد ایک ساتھ چھٹیاں منانے کے لیے ممبئی سے باہر چھٹیاں منانے کے لیے جاتی رہتی ہے۔ انوشکا کو کالے رنگ کی سویٹ شرٹ اور نیلے رنگ کے ٹریک پینٹ میں دیکھا گیا وہیں وراٹ بھی آرام دہ لباس میں ہوائی اڈے میں نظر آئے۔ ویروشکا کے فوراً بعد ایک اور بالی ووڈ کرکٹ جوڑے کو ممبئی ایئرپورٹ پر دیکھا گیا۔ وراٹ اور انوشکا کے بعد اتھیا اور راہل بھی ہوائی اڈے پہنچے۔ ہوائی اڈے کے اندر داخل ہونے سے پہلے جوڑی نے پاپرازی کے لیے پوز بھی کیا۔ جہاں اتھیا اپنے ڈینم لک میں اسٹائلش لگ رہی تھیں وہیں راہل رنگین جیکٹ میں اچھے لگ رہے تھے۔

حالانکہ ابھی تک اس بات کا انکشاف نہیں ہوا ہے کہ یہ جوڑا کہاں جارہا ہے۔ لیکن سوشل میڈیا پر بہت سے صارفین کا ماننا ہے کہ یہ مشہور جوڑی ویلنٹائن ڈےکے لیے روانہ ہوئے ہیں وہیں یہ قیاس آرائیاں بھی عروج پر ہیں کہ کہیں وراٹ، انوشکا اور اتھیا اور کے ایل راہل ادے پور کے لیے تو روانہ نہیں ہوئے جہاں کرکٹر ہاردک پانڈیا اور اداکار نتاشہ کی دوسری بار ایک ساتھ شادی ہونے والی ہے۔