بعض اوقات سوشل میڈیا پر رہنا تکلیف دہ احساس سے روبرو کرواتا ہے جہاں لوگ پوسٹ پر منفی تبصرے کرکے آپ کو احساس کمتری میں مبتلا کرنے کی کوشش کرتے ہیں۔ خاص طور پر فلمی ستارے سوشل میڈیا پر زیادہ تنقید اور ٹرولز کا سامنا کرتے ہیں، انہیں اکثر اپنی شکل، ذاتی اور پیشہ وارانہ زندگی کی وجہ سے زیادہ ٹرولز کیا جاتا ہے۔ لیکن بالی ووڈ کی ان دو دوستوں کو ان ٹرولز کو چپ کرانا بھی بخوبی آتا ہے۔ حال ہی میں کرینہ کپور خان اور ان کی قریبی دوست اور اداکارہ امریتا اروڑہ کو سوشل میڈیا پر تنقید کا نشانہ بنایا گیا۔ Amrita Arora Reacts to Trolls
دراصل یہ دونوں اداکارہ نے حال ہی میں کرن جوہر کی 50 سالگرہ تقریب میں شرکت کی تھی اور تقریب سے اپنی کچھ تصاویر سوشل میڈیا پر شیئر کی تھی، پھر ہونا کیا تھا سوشل میڈیا پر کچھ صارفین کی جانب سے ان کی عمر اور جسم کو لے کر نازیبا اور منفی تبصرے کیے گئے۔ لیکن اس بار اداکارہ نے خاموش نہ رہنے کا فیصلہ کیا اور اس طرح کا تبصرہ کرنے والے لوگوں کی کلاس لگا دی۔ Amrita Arora Body and Age Shamed on Social Media
امریتا اروڑہ نے بدھ کے روز کرن جوہر کی سالگرہ تقریب میں شرکت کی تھی اور وہاں کی ایک جھلک سوشل میڈیا پر شیئر کی، جس میں وہ اداکارہ کرینہ کپور خان اور اپنی بہن ملائیکا اروڑہ کے ساتھ نظر آرہی ہیں۔ امریتا نے اپنے انسٹاگرام اسٹوری پر اس تصویر کو ملنے والے منفی ردعمل کا اسکرین شوٹ پوسٹ کرتے ہوئے لکھا کہ ' مجھے ہمیشہ اپنے تبصروں میں اس طرح کی باتیں دیکھنے کو ملتی ہیں۔ اگر کبھی میں یہ کمینٹ چیک کرنے کی زحمت کرلوں تو اس طرح کے کمینٹ سب سے اوپر لکھے ہوئے نظر آتے ہیں! تو بوڑھی کا مطلب بے عزتی ہوتی ہے؟ کیونکہ میرے لیے یہ صرف ایک لفظ ہے۔۔۔ جس کا مطلب ہوتا ہے بڑا ہونا؟ ہاں میں ہم بوڑھی ہوں اور سمجھدار بھی لیکن آپ کے پاس نہ تو نام ہے، نہ چہرہ اور نہ عمر ہے۔ Kareena Come in Support of Amrita
امریتا نے اپنی اگلی انسٹا اسٹوری پر لکھا کہ' میرے وزن بڑھنے سے بھی لوگوں کو پریشانی ہے! یہ میرا ہے! مجھے یہ پسند ہے۔ میرا وزن میرا مسئلہ! یہ کب سے دوسروں کا مسئلہ بن گیا ہے۔ اور ہاں یہ سوشل میڈیا دیتا ہوگا توجہ میں نہیں دیتی۔۔ اس لیے آگے بڑھو۔۔۔'