ممبئی: بالی ووڈ اداکارہ عالیہ بھٹ کے نانا نریندر ناتھ رازدان جمعرات کو انتقال کر گئے۔ اداکارہ نے اپنے سوشل میڈیا ہینڈل پر اپنے نانا کے انتقال پر سوگ کا اظہار کیا۔ انہوں نے اپنے نانا کی سالگرہ کی ایک پرانی ویڈیو شیئر کی اور اپنے ہیرو کو یاد کرتے ہوئے ایک جذباتی نوٹ لکھا۔Alia Bhatt's grandfather died
انسٹاگرام پر ویڈیو شیئر کرتے ہوئے عالیہ نے لکھا کہ' میرے نانا، میرے ہیرو... جنہوں نے 93 سال کی عمر تک گولف کھیلا، 93 سال کی عمر تک کام کیا، وہ سب سے بہترین آملیٹ بناتے تھے۔۔ بہترین کہانیاں سناتے تھے، وائلن بجاتے تھے، اپنی پر نواسی کے ساتھ کھیلتے تھے، کرکٹ سے محبت تھا، انہیں اسکیچنگ کرنا پسند تھا۔۔اپنے اہلہ خانہ سے محبت اور اپنی آخری سانس تک اپنی زندگی سے محبت کی!میرا دل غم سے بھرا ہوا ہے لیکن اس میں خوشی بھی ہے کیونکہ میرے نانا نے جو کچھ کیا اس سے ہمیں خوشی ملتی تھی اور اس کے لیے میں خود کو خوش قسمت محسوس کرتی ہوں اور شکر گزار ہوں کہ ان کی روشنی میں ہماری پرورش ہوئی۔۔ ہم دوبارہ ملیں گے'۔