Rakshan Bandhan Release Date: اکشے کی 'رکشا بندھن' اور عامر کی 'لال سنگھ چڈھا' باکس آفس پر آمنے سامنے

اداکار اکشے کمار کی حال ہی میں ریلیز ہونے والی تمام فلمیں باکس آفس پر بری طرح ناکام ہوئی ہے۔ اب ان کا مقابلہ عامر خان سے ہے۔ دراصل اکشے کمار نے اپنی اگلی فلم 'رکشا بندھن' کی ریلیز کی تاریخ کا اعلان کر دیا ہے، جو عامر خان کی فلم 'لال سنگھ چڈھا' سے باکس آفس پر ٹکرانے والی ہے۔ Rakshan Bandhan Release Date

حیدرآباد: رواں سال اکشے کمار کی کئی فلمیں ریلیز ہونے والی ہیں، لیکن اداکار کی حالیہ دو ریلیز فلمیں ' بچن پانڈے' اور ' سمراٹ پرتھویراج' باکس آفس پر اپنا جادو بکھیرنے میں بری طرح ناکام ہوئی۔ یہ فلمیں اکشے کمار کی فلاپ فلم کی فہرست میں شامل ہو گئی ہے۔ اب اکشے کمار نے اپنی آنے والی فلم رکشا بندھن کی ریلیز کی تاریخ کا اعلان کرتے ہوئے باکس آفس پر عامر خان کی فلم لال سنگھ چڈھا کو چیلنج کرنے کا کام کیا ہے۔آپ کو بتا دیں کہ یہ دونوں فلمیں ایک ہی دن سینما گھروں میں ریلیز ہونے والی ہیں۔ Rakshan Bandhan Release Date

'رکشا بندھن' کی ریلیز کی تاریخ کا اعلان

اکشے کمار نے جمعرات کو فلم رکشا بندھن کا ایک ٹیزر سوشل میڈیا پر شیئر کیا ہے، جس میں انہوں نے فلم کی ریلیز کی تاریخ کا اعلان کیا ہے۔ فلم کے ہدایت کار آنند ایل رائے ہیں۔ اس سے پہلے وہ اکشے کمار کے ساتھ 'اترنگی رے' کر چکے ہیں۔

اکشے کمار کی فلم رکھشا بندھن اور عامر خان کی فلم لال سنگھ چڈھا اس سال 11 اگست کو باکس آفس پر آمنے سامنے ہوں گی۔ ایسے میں اکشے کمار کی فلم مزید خطرے میں ہے، کیونکہ عامر کے مداح ایک عرصے سے لال سنگھ چڈھا کا انتظار کر رہے ہیں۔

باکس آفس پر اکشے کمار کی ایک کے بعد ایک فلاپ فلموں سے مداح مایوس ہو رہے ہیں۔ اس سال 'بچن پانڈے' اور 'سمراٹ پرتھویراج' اکشے کمار کی سپر فلاپ فلمیں ثابت ہوئی ہیں۔ اس کے باوجود اکشے کمار نے عامر خان کی فلم سے پنگا لے کر باکس آفس پر اپنے پیر پر کلہاڑی مارنے کا کام کیا ہے۔