حیدرآباد: بالی ووڈ اداکار اکشے کمار نے جمعہ (28 اپریل) کو اپنی آنے والی فلم 'رام سیتو' کا پہلا پوسٹر جاری کیا۔ اکشے کمار کی فلم کے اس پوسٹر کو شائقین بے حد پسند کر رہے ہیں۔ فلم کا پوسٹر بھی سوشل میڈیا پر خوب وائرل ہو رہا ہے۔ لیکن اس کے ساتھ ہی پوسٹر کے حوالے سے لوگ اکشے کمار کو ٹرولز کا نشانہ بھی بنا رہے ہیں۔ سوشل میڈیا صارفین نے پوسٹر میں ایک بڑی غلطی کو نوٹس کیا ہے، جس کے بعد اب اکشے کمار اور فلمساز کا خوب مذاق اڑایا جارہا ہے۔ Ram Setu First look
کیا غلطی ہے پوسٹر میں؟
دراصل اکشے کمار کی جانب سے شیئر کیا گیا یہ پوسٹر دیکھنے میں بہت خوبصورت لگ رہا ہے لیکن صارفین کو اس میں ایک بڑی غلطی نظر آئی ہے۔ پوسٹر میں آپ دیکھیں گے کہ اکشے کمار ہاتھ میں ٹارچ لیے کھڑے ہیں اور ان کے ساتھ ہی اداکارہ جیکولین فرنانڈیز تیز روشنی والی ٹارچ لی ہوئی ہیں۔ جس پر اب صارفین کا اکشے سے سوال ہے کہ جب ہیروئن کے پاس ٹارچ ہے تو پھر مشعل کی کیا ضرورت پڑ گئی ہے؟
ساتھ ہی صارفین کا کہنا ہے کہ اکشے نے 'رام سیتو' کے پوسٹر کو فلم نیشنل ٹریژر سے کاپی کیا ہے۔ اب سوشل میڈیا صارفین پوسٹر کی اس غلطی پر شدید تبصرہ کر رہے ہیں۔ Social Media User on Ram Setu Poster