Maidaan New Poster: اجے دیوگن نے اپنی آئندہ فلم 'میدان' کا پوسٹر شیئر کیا، فلم کا ٹیزر اس دن ریلیز ہوگا

اجے دیوگن نے اپنی آئندہ فلم 'میدان' کا پہلا پوسٹر شیئر کیا ہے اور بتایا ہے کہ فلم بھولا کے ریلیز والے دن اس فلم کا ٹیزر ریلیز کیا جائے گا۔

اجے دیوگن کے مداحوں کو یہ لیے دوہری خوشی کا موقع ہے۔ جہاں ایک طرف ان کی ایکشن فلم بھولا اس ہفتہ ریلیز ہونے والی ہیں، وہیں دوسری طرف انہوں نے اپنی آئندہ فلم 'میدان' کا پوسٹر شیئر کیا ہے۔ منگل کے روز اداکار نے بتایا کہ فلم کا ٹیزر 30 مارچ کو ریلیز ہوگا، جس دن ان کی فلم بھولا ریلیز ہوگی۔MaidaanNew Poster

انسٹاگرام پر اجے نے میدان کا نیا پوسٹر مداحوں کے ساتھ شیئر کیا۔ پوسٹر میں اجے سنجیدہ کردار میں نظر آرہے ہیں۔ تصویر کو شیئر کرتے ہوئے انہوں نے لکھا کہ 'ایک آدمی، ایک عقیدہ، ایک روح۔ ایک سچی کہانی پر مبنی میدان میں اترے گا سارا انڈیا۔ 30 مارچ کو ٹیزر جاری'۔

امیت رویندر ناتھ شرما کی ہدایتکاری میں بننے والی اس فلم کو بونی کپور اور زی اسٹوڈیوز کے تعاون سے تیار کیا گیا ہے، میدان ایک اسپورٹس ڈرامہ فلم ہونے والی ہے جس میں بھارت میں فٹبال کے سنہرے برسوں کو دکھایا جائے گا۔ اس فلم میں اجے لیجنڈری کوچ سید عبدالرحیم کا کردار ادا کرتے نظر آئیں گے، جنہیں ہندوستانی فٹ بال کے بانی کے طور پر جانا جاتا ہے۔

اس فلم کو بنانے میں میکرز کو کئی دشواریوں کا سامنا کرنا پڑا ہے۔ سال 2020 میں پروڈیوسر بونی کپور کو ناول کورونا وائرس وبائی مرض کی وجہ سے عائد کردہ لاک ڈاؤن کی وجہ سے فلم کے سیٹ کو ہٹانا پڑا تھا۔ اس کے بعد مئی 2021 میں ممبئی میں آئے طوفان توکتے نے میدان کے سیٹ کو تباہ کردیا تھا۔گجراج راؤ اور بومن ایرانی بھی اس فلم کا حصہ ہیں۔ فلم 23 جون 2023 کو ریلیز ہونے والی ہے۔

وہیں اجے دیوگن کی آئندہ ریلیز ہونے والی فلم بھولا ایک تمل سپر ہٹ فلم کیتھی کا آفیشل ہندی ریمیک ہے۔ اس فلم کی ہدایتکاری خود اجے دیوگن نے کی ہے۔ اس فلم میں دیپک ڈوبریال، سنجے مشرا، ونیت کمار، گجراج راؤ اور تبو بھی اہم کردار ادا کر رہے ہیں۔ یہ 30 مارچ 2023 کو سینما گھروں کی زینت بنی۔