ممبئی: وکرانت میسی ان دنوں اپنی نئی فلم '12ویں فیل' کی کامیابی سے کافی خوش ہیں اور لطف اندوز ہو رہے ہیں۔ شائقین کی جانب سے ملنے والی محبت کے بعد وہ 'دی سابرمتی رپورٹ' نامی نئے پروجیکٹ میں اہم کردار ادا کرتے نظر آئیں گے۔ فلم میں وکرانت، رِدھی ڈوگرا اور راشی کھنہ کے ساتھ اسکرین اسپیس شیئر کرتے نظر آئیں گے۔ یہ ایکتا کپور کے بالاجی موشن پکچرز کے تحت تیار کیا جا رہا ہے، جو بالاجی ٹیلی فلمز لمیٹڈ کا ایک ڈویژن ہے۔
بالاجی پروڈکشن ہاؤس نے 15 جنوری کو اپنے آفیشل انسٹاگرام پر 'دی سابرمتی رپورٹ' کا موشن پوسٹر جاری کیا ہے۔ فلم کے پرومو کو شیئر کرتے ہوئے بالاجی نے پوسٹ میں لکھا کہ 'ایک ان کہی کہانی کے ساتھ تاریخ سے پردہ اٹھانے کے لیے تیار ہوجائیں۔ سابرمتی رپورٹ 2002 کے واقعے کی ایک دلچسپ کہانی ہے، جس نے پورے ملک پر انمٹ نشان چھوڑے ہیں۔'
'دی سابرمتی رپورٹ' کے ساتھ موشن پوسٹر میں فلم کی ریلیز کی تاریخ بھی دی گئی ہے۔ یہ 3 مئی 2024 کو ریلیز ہوگی۔ اس فلم کی ہدایت کاری رنجن چندیل نے کی ہے۔ ایک بیان کے مطابق یہ فلم 27 فروری 2002 کی صبح گجرات کے گودھرا ریلوے اسٹیشن کے قریب سابرمتی ایکسپریس میں پیش آنے والے سچے واقعات سے متاثر ہے۔