برطانوی سیریز دی نائٹ منیجر کے ہندی ریمیک کا ٹریلر آج ریلیز کردیا گیا ہے، جس میں دکھایا گیا ہے کہ کیسے ایک ہوٹل کا عام ملازم انڈر کور ایجنٹ بننے کے بعد اسلحہ اسمگلنگ کے خطرناک دنیا میں قدم رکھتا ہے۔ تاہم ایک بار جب وہ کسی مشن کا حصہ بننےکا فیصلہ کرتا ہے تب اسے اپنی جان کی بازی لگانے کا بھی ڈر نہیں ہوتا۔ یہ آئندہ سیریز ڈزنی پلس ہاٹ اسٹار میں ریلیز ہوگی جس میں آدتیہ رائے کپور اور انیل کپور مرکزی کردار میں ہوں گے۔ ان کے علاوہ سوبھیتا دھولیپالا، تلوتما شومے، ساسوتا چٹرجی اور روی بہل بھی اہم کردار میں ہیں۔The Night Manager trailer
سیریز میں خطرناک اسلحہ ڈیلر شیلندر رنگٹا کا کردار ادا کرنے والے انیل نے ٹویٹر پر اس کا ٹریلر شیئر کیا ہے اور انہوں نے لکھا ہے کہ ' ایک خوفناک اسلحہ ڈیلر، ایک نائٹ منیجر اور محبت اور دھوکہ دہی کا ایک خطرناک کھیل۔ یہ شوٹائم ہے۔ دی نائٹ منیجر ہاٹ اسٹار اسپیشل پر 17 فروری سے نشر ہوگا'۔ ٹریلر کو دیکھ کر لگتا ہے کہ اس کی شوٹنگ بیرون مالک کے خوبصورت علاقوں میں بھی کی گئی ہے۔ ٹریلر میں شیلندر کے اسلحہ اسمگلنگ کے وسیع نیٹورک کو دکھایا گیا ہے۔ آدتیہ کپور سیریز میں شان سینگپتا کا کردار ادا کرنے والے ہیں جو ایک ہوٹل کا نائٹ منیجر ہوتا ہے۔ لیکن بعد میں تلوتما شومے کا کردار انہیں جاسوسی کرنے کی ذمہ داری دیتا ہے اور وہ ہوٹل میں قیام کرنے آئے اسلحہ ڈیلر شیلندر رنگٹا پر نظر رکھنا شروع کردیتا ہے۔ یہ اسپائی تھرلر سیریز، جو 17 فروری کو ڈزنی پلس ہاٹ اسٹار پر ریلیز ہونے والا ہے، کی ہدایتکاری سندیپ مودی نے کی ہے۔